مۇھەببەت نەزىرى

جۇلالىق

	بىر قىز بىر يىگىت بىلەن تۇنجى قېتىم ئۇچرىشىشقا ۋەدىلەشتى. يىگىت دېيىشكەن ئورۇنغا بالدرۇ كېلىپ ساقلىدى. پۈتۈشكەن ۋاقىتتىن 20 مىنۇت ئۆتۈپ كەتكەن بولسىمۇ، قىزنىڭ قارىسى كۆرۈنمەيتتى. يەنى 30 مىنۇت ئۆتكەندە، يامغۇر يېغىشقا باشلىدى. بىراق يىگىت يامغۇرلۇق ئېلىپ كەلمىگەنىدى. ئەمما ئۇ يامغۇرغا قارىماي قىزنى ساقلاۋەردى. قىز يامغۇرلۇق كۆتۈرگىنىچە يىگىتنىڭ قېشىغا يۈگۈردى. ئەپەندىم بىلەن خېنىم ئۇچرىشىشقا ۋەدىلەشتى. ئەپەندى بالدۇر كەلدى. پۈتۈشكەن ۋاقىتتىن 20 مىنۇت ئۆتۈپ كەتكەن بولسىمۇ، ئەمما خېنىمنىڭ قارىسىمۇ كۆرۈنمەيتتى. پۈتۈشكەن ۋاقىتتىن 30 مىنۇت ئۆتكەندە يامغۇر يېغىشقا باشلىدى. بىراق، ئەپەندىم يامغۇرلۇق ئېلىۋالمىغان بولسىمۇ، يەنىلا ئۇنى ساقلىدى. خېنىم يامغۇرلۇق بىلەن يامغۇرنى توسۇپ نازاكەت بىلەن يېتىپ كەلدىـدە، يەنە نازاكەت بىلەن كېتىپ قالدى. بىرىنچى ھېكايە 60-يىللاردا يۈز بەرگەن ئىدى. ئىككىنچى ھېكايە 90-يىللاردا يۈز بەرگەن ئىدى. بىرىنچى ھېكايىدىكى قىزچاق ئىككىنچى ھېكايىدىكى خېنىمنىڭ ئانىسى ئىدى. بۇنىڭ بىلەن بىر مەيدان مۇنازىرە باشلاندى. ئانا ئۆ پىكىرىنى قۇۋۋەتلەپ: بۇنداق يىگىتلەر سەمىمىي، سادىق، ئىشەنچلىك كېلىدۇ، ئۆزىنى ئۆمۈرلۈك بېغىشلاشقا بولىدۇ، دېدى. بىراق قىزى بۇ پىكىرگە قوشۇلماي، بۇنداق ئەرلەر جاھىل، قولىدىن ئىش كەلمەيدىغان، قابىلىيەتسىز كېلىدۇ، ئەگەر ئۇنداق ئادەمگە ياتلىق بولغان قىزغا ياخشى كۈن يوق، دېدى. ــ ئەجەبا سەن داداڭغىمۇ مۇشۇنداق قارامسەن؟ــ دېدى. قىز شۇ ھامان: ــ ئۇنداق قىلسام نېمە بوپتۇ، سەن تېخى ھېس قىلالمىدىڭمۇ؟ دادام شۇنچە جاپالىق نەچچە ئون يىل ئىشلەپمۇ تېرىقنىڭ پىننىسىچىلىك ئەمەلگە ئېرىشەلمىگەننىڭ ئۈستىگە، سىقىمى تولغۇدەك پۇلمۇ كۆرمىدى، ئەللىك ياشقا كىرگەن بولسىمۇ، يەنىلا شۇ نامرات پېتى ئۆتۈۋاتمامسىلەر! ھازىر دېگەن بازار ئىگىلىكى دەۋرى تۇرسا، سەن مېنى ئاشۇ ئۆزۈڭنىڭ كونا يولىدا ماڭسۇن دەمسەن؟ شىنجاڭ مەدەنىيىتى ژۇرنىلى. 2010-يىل 6-سان. مەشغۇلاتتا: جۇلالىق.

روھچىن

	ژورنالنىڭ كەينىدە قالدىڭىزمۇ نىمە ؟ يىڭى يىلنىڭ ئىككىنچى سان كىلىپ بولدى .

جۇلالىق

	rohqin بۇ يازمىنى 2011-يىلى 2-ئاينىڭ 20-كۈنى 17:28 دە يوللىغان ژورنالنىڭ كەينىدە قالدىڭىزمۇ نىمە ؟ يىڭى يىلنىڭ ئىككىنچى سان كىلىپ بولدى . قەدەمنى سەل ئاستىراق ئاۋايلاپ ئالىمەن شۇڭا كەينىدە قالغان ئوخشايمەن. يېڭى يىللىق بىرىنچى سان كەلگەندۇ؟ ئىككىنچى سان 3 -ئاينىڭ ئوتتۇرىدا كەلسە چوڭ گەپ.

soyqut

	ھەر دەۋىردىكى كىشلەرنىڭ قارىشى ئوخشاش بولمايدۇ دە. يەنە نەچچە ئون يىللاردىن كېيىن كىشلەرنىڭ قارىشى ۋە مەسىللەرگە تۇتقان پۇزىتسىيسى قايسى دەرىجىدە ئۆزگىرىپ كېتەر؟

hilal

	دەۋىر ئوخشىمايدۇ ....  قىممەت قارىشى ئوخشىمايدۇ .... ئادەم ئوخشىمايدۇ ..........مۇھەببەتنىڭ خاراكتىتى ئوخشىمايدۇ ...... مۇھەببەتنىڭ ساپلىق دەرىجىسى ئوخشىمايدۇ ..........كۆتۈرگەن كۈنلىكىمۇ ئوخشىمايدۇ ھەر قاچان .......

قەھۋە

	زامان ۋە ماكاننىڭ پەرقى مانا مۇشۇ. بۇرۇنقى مۇھەببەتلەر شۇنچىلىك ساپ ئىكەنتۇق.