ئەرلەر بىلەن ئاياللارنىڭ سۆھبىتى

جۇلالىق

	جېك بىلەن ئاندېرىي بىر شىركەتتە ئىشلەيتتى، ئۇلارنىڭ مىجەزى كېلىشكەچ يېقىن دوستلاردىن بولۇپ قالدى. بۇ ئىككى ئائىلە دائىم بىللە يىغىلىش ئۆتكۈزۈپ تۇرغاچقا، ئۇلارنىڭ ئاياللىرىمۇ يېقىن دوستلاردىن بولۇپ قېلىشتى. بىر كۈنى، بۇ ئىككى ئايال قەھۋەخانىدا بىللە ئولتۇرماقچى بولۇشتى. ــ تۈنۈگۈنكى ئاشىق-مەشۇقلار بايرىمىدا بىز گۈزەل ئاخشامنى بىللە ئۆتكۈزدۇق، سىلەر قانداقراق ئۆتكۈزدۈڭلار؟ ــ دېدى جېكنىڭ خوتۇنى. ــ دىمەيلا قويۇڭ، ئاخشام تازا قاملاشمىغان ئىش بولدى. ئاندېرىي ئۆيگە قايتىپ كېلىپ تامىقىنى يەپ بولۇپلا، ھۇجرىسىغا كىرىپ ئۇخلاپ قالدى. سىلەر قانداق ئۆتكۈزدۈڭلار؟ ــ دېدى ئاندېرىينىڭ خوتۇنى ئاچچىقىدا. ــ سىز ئۈچۈن بەك ئەپسۇسلىنىمەن، ئاخشام يۈز بەرگەن ئىش ھېلىھەم كۆ ئالدىمدا، جېك ئۆيگە قايتىپ كېلىپلا مېنى ھەيران قالدۇرۇۋەتتى، ئۇ خۇددى بىز يۈرۈۋاتقان چاغلاردىكىدەك سىرتقا چىقىپ مەن بىلەن رومانتىك كەچلىك غىزا يىمەكچى بولدى. كەچلىك غىزادىن كېىيىن بىز قول تۇتۇشقىنىمىزچە بىرەر سائەتچە سەيلە قىلدۇق، ئۆيگە قايتىپ كەلگەندە ئۇ يەنە شام ياقتى، بىر شام نۇرى ئاستىدا بىرەر سائەتچە مۇڭداشتۇق، بەك رومانتىك بولدى. دەل شۇ ۋاقىتتا جېك بىلەن ئاندېرىيمۇ مۇڭدىشىۋاتاتتى. ــ تۈنۈگۈن ئاخشامنى قانداقراق ئۆتكۈزدۈڭ؟ ــ سورىدى جېك. ــ ناھايىتى ياخشى، ــ دېدى ئاندېرىي ئويلىنىپ ئولتۇرمايلا، ــ ئۆيگە كەلسەم خوتۇنۇم مول كەچلىك غىزا تەييارلاپتۇ، مەن كەچلىك غىزانى يەپ بولۇپ تازا قانغۇچە ئۇخلىدىم، سەنچۇ؟ ــ ئاخشام تازىمۇ قورقۇنۇچلۇق ئىش بولدى، ئاخشام ئۆيگە قايتىپ كەلسەم خوتۇنۇم تاماق قىلماپتۇ، قورساق ئاچ بولغاچقا ئىلاجىسىز خوتۇنۇم بىلەن بىللە سىرتتا تاماق يېدۇق، كالا گۆشىنىڭ ئۇنچە قىممەتلىكىنى ئويلاپ باقماپتىمەن، ھەميانىمدىكى بارلىق پۇلۇم شۇنىڭغا كەتتى.، كىرا قىلغۇدەك پۇلۇپ قالمىغاچقا، ئامالسىز ئۆيگە پىيادە قايتتۇق. ئۆيگە قايتىپ كەلگەندە توك توختاپ قاپتۇ، شۇنىڭ بىلەن ئاران تەستە شام تېپىپ ياقتىم. ھەممىدىن ئاچچىقىم كەلگىنى شۇكى، خوتۇنۇم تولا كوتۇلداۋېرىپ، مېنى زادى ئۇخلاتمىدى. تەرمىلەر ژۇرنىلى، 2010-يىل 12-سان. مەشغۇلاتتا: جۇلالىق.

روھچىن

	تەرمىلەرنىڭ  ئەسەرلىرى ئادەمنى خېلى ھوزۇرلاندۇرىدۇ .تۇلا ھىكايىللىرىنىڭ ۋەقەلىكى ئاددى مەزمۇنى بەك چوڭقۇر . بەش يىلدەك بۇپتۇ قالدۇرماي ئۇقۇپ كىلىۋاتقىلى .

taskin

	ما سلىشتۇرمنى كۈرۈڭ ئەمدى ،، بەك ياخشى سىلشتۇرما بوپتۇ ...

neyime

	نىمداق ئۇماق ئەر ئاياللار بۇ ،قىزىق ھىكايىكەن ...تەرجىمىسمۇ ئىنتايىن ياخشى بوپتۇ .

dilroh

	ھا ھا ھا ماۋۇلارنى قارا  نىمانچە قىززىق ئىككى تەرەپتە ئىككى ئوقۇم ```

MARS-500

	مۇھەببەت  ھاياتلىقنىڭ  تىزگىنىكىدۇر.

دىلەيسەم

	قىزىقارلىق سېلىشتۇرما بوپتۇ، ئايال كۆڭلىدە بۇنى ئېرىم ئالاھىتەن ئورۇنلاشتۇردى، دەپ قاتتىق خۇشال بولۇپ دوستىغا تازا ماختىنىپتۇ-دە

月花

	دىمىسىمۇ ئاياللارنىڭ كوڭلى مانا مۇشۇنداق كىچىككىنە ئشتا خوش بۇلىدۇ ئەمەسمۇ ؟