زامانىمىزدىكى مىسىر پىرئەۋىنى تەختتىن چۈشتى

ketmenbay

	مۇبارەك ۋەزىپىسىدىن ئىستىپا بېرىپ، ھوقۇقنى ئارمىيەگە ئۆتكۈزۈپ بەرگەنلىكىنى جاكارلىدى            شىنخۇا تورى، بېيجىڭ،            2011-يىلى 11-فېۋرال تېلېگراممىسى: مىسىرنىڭ مۇئاۋىن زۇڭتۇڭى سۇلايمان 11-فېۋرال دۆلەتلىك تېلېۋىزىيە ئىستانسىسىدا، مۇبارەكنىڭ زۇڭتۇڭلۇق ۋەزىپىسىدىن ئىستىپا بېرىپ، ھوقۇقنى ئارمىيەگە ئۆتكۈزۈپ بەرگەنلىكىنى جاكارلىدى.            سۇلايمان مۇنداق دېدى: ‹‹ دۆلەت ھازىر قىيىنچىلىق مەزگىلىنى باشتىن كەچۈرۈۋاتقاندا، زۇڭتۇڭ مۇبارەك ۋەزىپىسىدىن ئىستىپا بېرىشنى قارار قىلدى››. ئۇ مۇبارەكنىڭ مىسىر قوراللىق قىسىمىنىڭ ئالىي كومىتېتىغا دۆلەت ئىشلىرىنى ئىدارە قىلىش ھوقۇقىنى ئۆتكۈزۈپ بەرگەنلىكىنى ئېيتتى.            باش ئىشتاب ئەرەب بىرلەشمە خەلىپىلىكىنىڭ دۇبەي شەھىرىدە تەسىس قىلغان ئەرەب تېلېۋىزىيە ئىستانسىسىنىڭ 11-فېۋرالدىكى خەۋىرىدىن قارىغاندا، مىسىر زۇڭتۇڭى مۇبارەك ۋە ئۇنىڭ ئائىلە ئەزالىرى شۇ كۈنى پايتەخت قاھىرەدىن بالدۇرلا ئايرىلىپ، مىسىرنىڭ سىناي يېرىم ئارىلىغا جايلاشقان قىزىل دېڭىز ساھىلى ساياھەت شەھىرى شام شەيخكە يېتىپ بارغان . كۆرگۈچىلەرنىڭ ئېيتىشىچە، ئاز دېگەندىمۇ ئىككى تىك ئۇچار ئايروپىلان شۇ كۈنى زۇڭتۇڭ مەھكىمىسىدىن ئۇچقان .            مىسىر قوراللىق قىسىمىنىڭ ئالىي كومىتېتى 2011-يىلى 11-فېۋرال بايانات ئېلان قىلىپ، مۇبارەكنىڭ سىياسىي ھوقۇقنى تىنچ ئۆتكۈزۈپ بېرىش پىلانىنى قوللايدىغانلىقىنى ھەمدە مۇبارەك تېلېۋىزىيە نۇتقىدا بەرگەن تۈرلۈك ۋەدىلەرنى ئەمەلگە ئاشۇرۇشقا تىرىشىدىغانلىقىنى بىلدۈردى . باياناتتا مۇنداق دېيىلدى : ۋەزىيەت تىنچلانغاندىن كېيىن جىددىي ھالەت قانۇنىنى بىكار قىلىشقا كاپالەتلىك قىلىپ، ئەدلىيە ئورگانلىرىنىڭ پارلامېنت سايلىمى نەتىجىسى ھۆكۈمىنى ئىجرا قىلىپ، ئاساسىي قانۇن ئىسلاھاتى ۋە ئەركىن، ئاشكارا زۇڭتۇڭ سايلىمى ئۆتكۈزۈشكە كاپالەتلىك قىلىمىز.            باياناتتا يەنە ئېتىرازچىلارنىڭ نورمال تۇرمۇش تەرتىپىنى ئەسلىگە كەلتۈرۈپ، ئىش ئورۇنلىرىغا قايتىشى تەلەپ قىلىندى. ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭ http://www.uyghurqamus.com/read.php?tid=406 ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

ئاھۇ

	مەيلى دۆلەتنى مەيلى شەخىسنى بولسۇن يەنىلا مەلۇم بىر روھ تۇتۇپ تۇرىدۇ .

soyqut

	بۇمۇ بولغىنى،ئاقىلانە ئىش قىلىپتۇ.

جۇلالىق

	زامانىمىزدىكى مىسىر پىرئەۋىنى تەختتىن چۈشتى ---------------------------- بۇ سۆزلەرنىڭ مەنىسىگە پەقەتلا يېتەلمىدىمغۇ؟ يا مەن بۇ ئادەم توغرۇلۇق بەك كۆپ نەرسىلەرنى بىلمەمدىمەن؟ ئەينى زاماندىكى پىرئەۋننىڭ قانداق ئادەملىكىنى ھەممىمىز بىلىمىز. بۇ ئادەمدىمۇ شۇنداق ئىللەتلەر بارمۇ؟

dilroh

	ياخشى بوپتۇ ``  خەلقنى ھەقىقى ئويلايدىغان بىرسى چىققۇسى بۇنىڭ ئورنىغا