بىر تامچە ھەسەل

جۇلالىق

	بىر تامچە ھەسەل بىر يولۇچى كېتىۋېتىپ شەيتانغا يولۇقۇپ قاپتۇ ۋە ئۇنىڭدىن نېمىشقا جاھاندىكى جىمى رەزىللىكنى قىلىدىغانلىقىنى ئاغرىنىپ تۇرۇپ سوراپتۇ. ئۆزىنىڭ ئۇۋالچىلىققا قېلىۋاتقانلىقىغا چىدىمىغان شەيتان ھېلىقى يولۇچىغا دەپتۇ: ــ بىردەم تەخىر قىلسىلا، جاھاندا زادى كىمنىڭ رەزىللىك قىلىۋاتقانلىقىنى ھېلىلا بىلىپ قالىدىلا! شۇنىڭ بىلەن شەيتان ئادەم سىياقىغا كىرىپ ياندىكى دۇكاندىن ئازراق ھەسەل سېتىۋېلىپ، ئۇنى دۇكاننىڭ ئىشىكىگە سۇۋاپ قويۇپتۇ ۋە ئۆزى غىپپىدە دالدىغا مۆكۈۋاپتۇ.ھەسەل سۇۋالغان ئىشىككە ھەش-پەش دېگۈچە غەژژىدە چىۋىنلار ئولۇشۇپتۇ. بۇنى كۆرگەن يوغان بىر ئۆمۈچۈك چىۋىنلارغا قاراپ ئېتىلىپ كەپتۇ. ئارقىدىن بىر قۇش ئۆمۈچۈككە تاشلىنىپتۇ. شۇ چاغدا يولدىن ئۆتۈپ كېتىۋاتقان ئوۋچىنىڭ بىلىكىدىكى بۈركۈت ھېلىقى قۇشنى ئولجا ئالماقچى بولۇپ، ئىشىككە قاراپ ئوقتەپ ئۇچۇپتۇ. بۈركۈتنى قۇرغۇيمىكىن دەپ قالغان دۇكاندار تارازا تېشىنى بۈركۈتكە قارىتىپ ئېتىپتىكەن، بۈركۈت شۇ يەردىلا تىن تارتماي ئۆلۈپتۇ. بۇنى كۆرگەن ئوۋچى دۇكاندارنى دۇمبالىغىلى تۇرۇپتۇ. ئاڭغىچە ساقچى كېلىپ دۇكاندارنى ئېلىپ مېڭىپتۇ. شەيتان بۇ ھالنى كۆرۈپ تۇرغان يولۇچىغا دەپتۇ: ــ ئەمدى چۈشەنگەنلا؟ مەن ئىشىككە پەقەت بىر تامچە ھەسەللا سۈركەپ قويدۇم، خالاس! شىنجاڭ مەدەنىيىتى ژۇرنىلى. 2009-يىل 5-سان. مەشغۇلاتتا؛ جۇلالىق.

jahandar

	رەزىلىلىكنىڭ مەنبەسى يەنىلا شۇ شەيتان...