زىبۇ - زىننەت تاقاشتىكى كىچىككىنە سىر

خۇشچىراي

	زىبۇ - زىننەت بويۇمى تاقاشتىمۇ دېققەت قىلىدىغان ئىشلار بار. قىسمەن ئاياللار پەقەت ئالتۇن بويۇملارنىلا تاقاشنى ياخشى كۆرىدۇ، ئۇنى بايلىقنىڭ سىمۋولى دەپ قارايدۇ. يەنە بەزىلەر داغۋازلىق، مەنمەنچىلىك قىلىپ دوراپ تاقايدۇ، ياكى زىننەت بويۇملىرىنى سورۇنغا قارىماي، يېشىغا باقماي، يۈز كۈپتىگە ۋە بەدەن قۇرۇلىشىغا ماسلاشتۇرماي قالايمىقان تاقاپ يۈرۈيدۇ. نەتىجىدە باشقىلارغا غەلىتە كۆرۈنىدۇ-دە، ئوبرازىغا تەسىر يەتكۈزىۋالىدۇ. ئالتۇندىن باشقا زىننەت بويۇملىرىنى ئاددى، ئەرزان دەپ قاراپ ئانچە ئېتىۋار بەرمەيدۇ. ئەمىلىيەتتە بۇرۇنقى كىشىلەر ھەممە نەرسىنىڭ پايدا - زىيىنىنى بىلىپ بولۇپ، ئاندىن ئىلمىي يەكۈنىگە ئاساسەن ئەۋلادلىرىغا مىراس قىلغان ھەم ئەنئەنە قىلىپ قالدۇرغان. ئويلاپ باقساق ئەجداتلىرىمىز ھەقىقەتەن ئالىم كىشىلەركەن. دېمەك زىننەت بويۇملىرى قىز - ئاياللارغا ھەم گۈزەللىك بېغىشلىسا، ھەم ساغلاملىق ئاتا قىلالايدۇ. مەسىلەن: *** ئالتۇندىن زىننەت بويۇمى سوقتۇرۇپ تاقىساق خانىم - قىزلارنىڭ ھەم كۆركى بولالىسا يەنە بىر تەرەپتىن ئىقتىساتنى ساقلاپ تۇرۇشقا پايدىلىق. ئۇنىڭدىن باشقا بوغۇم ياللۇغى كېسەللىكىنىڭ ئالدىنى ئالىدۇ. *** بوينىمىزغا داۋاملىق مەرۋايىت تاقاپ يۈرسەك باشقىچە سالاپەت بېغىشلايدۇ ھەم تېرىنى ياخشىلاپ، بوينىمىزغا قورۇق كىرىشنىڭ ئالدىنى ئالغىلى بولىدۇ. *** قاشتېشى بويۇملارنى تاقىساق بەدەننىڭ نەملىكىنى ساقلاپ قېلىشتىن سىرىت،  بىخەتەرلىك تۇيغۇسى بېرەلەيدۇ. *** مىستىن بىلەيزۈك - ئۈزۈكلەرنى ياسىتىپ سېلىۋالساق پەي سوزۇلۇشتىن كېلىپ چىققان قول ئاغرىقىغا داۋا بولىدۇ. *** كۈمۈشتىن ياسالغان زىننەت بويۇملىرى ئوكسىدلىنىشقا قارشى تۇرۇپ بەدىنىمىزدىكى زەھەرنى يوقتالايدۇ. *** زۇمرەتتىن ياسالغان زىننەت بويۇملىرى تېرىنىڭ سۈزۈك، پارقىراق ھالىتىنى ساقلاپ قېلىشقا پايدىلىق. مەنبە：ماتىرىيال [ Coffee بۇ يازمىنى  2011-يىلى 2-ئاينىڭ 9-كۈنى 21:53  دە تەھرىرلىگەن. ]

دىلەيسەم

	مەن ئۆزۈم زىبۇ -زىننەتكە بەكمۇ قىزىقىپ كەتمەيمەن ھەم ماڭا ئاسانلا رېئاكسىيە قىلىپ كېتىدۇ، بەزىدە ئالتۇنمۇ شۇنداق ، شۇڭا بولسىمۇ تاقاشتىن قورقىمەن

esil

	يەنىلا ئالتۇنغا ئامراق مەن

PINHAN

	مەيلى ئالتۇن بولسۇن ياكى باشقا زىبۇ- زىننەتلەر بولسۇن، ئاز ھەم ساز تاقىسا يەنىلا ئېسىل تۇرىدۇ! بىراق ماۋۇ ئالتۇن، كۆمۈش، مىسنىڭ بەدەنگە قانداق  پايدىلىق ئىكەنلىكىنى ئەمدى بىلدىم جۇمۇ مەن! رەھمەت سىزگە!

جۇلالىق

	زىبۇ-زىننەت تاقاپ باقمىغىلى نى زامان. سىڭلىم دائىم مېنى زاڭلىق قىلىپ، نەرىگە ئايال كىشىدۇ؟ كۆڭلىنىڭ شىرىسى يوق ئايال كىشى دېگەن ئالتۇن زىبۇ-زىننەتلىرىنى تاقاپ يۈرۈش بىلەن گۈزەل كۆرىنىدۇ دەپ قويىدۇ.

turkanxatun

	مەنمۇ زىبۇ-زىننەتكە قىزىقىپ كەتمەيمەن.

مەرۋەرى

	پىنھاننىڭ يەتتە قىزلىرىمغا كەلگەن قەدىمىگە مۇبارەك بولسۇن! قەدەملىرىڭىزدىن قىزىل گۈللەر ئۈنگەي!

anar

	مەن زىبۇ -زىننەت تاقاشقا شۇنداق ئامراق ، لېكىن شۇ بىر كۈنلىرى تاقاپلاۋالىمەن يەتكۈچە كەچتە ئېلىۋېتىپلا ئۇنتۇپ قالىمەن ، داۋاملىق تاقاپ بەرمىسەم بۇنداق ساغلام قىلىدىغان يېرى بولسا