"ئىز" رومانىدىن....

nazinin

	"ئىز " رومانىنى ئىلگىرى قاچان ئوقۇغىنىم ئېسىمدە يوق ،كىتاب ئىشكاۋىمدىكى كىتابلارغا كۆز يۈگۈرتۈپ يۈرۈپ ئىز رومانىغا كۆزۈم چۈشۈپ قالدى ،قايتىدىن ۋاراقلىدىم ،ھېس قىلدىمكى بۇ روماندا ماقال -تەمسىللەر بىر قەدەر كۆپ ئىشلىتىلىپتۇ . قېنى بىر تىزىپ باقاي ..... 1.ئەۋلىيادىن پۇتۇڭنى تارت ،پادىشاھدىن تىلىڭنى . 2.خوتۇن خەقنىڭ نالىسى تولا ،ئىش ئۇقماسنىڭ باھانىسى . 3.ئىت سەمىرىسە ئىگىسىنى چىشلەيدۇ ، قۇل سەمىرىسە غوجىسىغا يانىدۇ. 4.سۇ ئۇخلىسا ئۇخلار ،دۈشمەن ئۇخلىماس . 5.قوغلا -قوغلا گەپ چىقار ،كولا -كولا سۇ چىقار . 6.كىمكى قىلىچنىڭ قارا دەستىنى تۇتۇشنى خالىمىسا ،ئۇنىڭ ئۆتكۈر تىغىغا دۇچ كېلىدۇ . 7.كىمكى زالىمغا مەدەت قىلسا ،ئاللا ئۇنى شۇ زالىمنىڭ قولى بىلەن ھالاك قىلىدۇ . 8.ئۆزەڭنى ئەر چاغلىساڭ ،ئۆزگىنى شىر چاغلا . 9.ئاسمانغا تۈكۈرسەڭ ،يۈزۈڭگە چۈشۈر . 10.سۇ ئېرىقتا ،گەپ قېلىپتا . 11.كۈندە مىڭ ئۆلۈپ يۈرگەندىن ،دۈشمەن بىلەن جەڭ قىلىپ بىر ئۆلگەن ياخشى . 12.جاندىن كەچمىگىچە ،جانانغا يەتمەس . 13.باتۇر بىر ئۆلىدۇ ،قورۇققان مىڭ ئۆلىدۇ . 14.شەرىئەت ئىزلىسەڭ ئۆلتۈر يىلاننى ، تەرىقەت ئىزلىسەڭ ئاغرىتما جاننى . 15.ئاتنىڭ چىرايلىقى تورۇق ،قىزنىڭ چىرايلىقى ئورۇق . 16.سۇ كەلمەستە ،توغان تۇت . 17.بىرى جەڭ ،توققۇزى رەڭ . 18.قوينۇڭدىن تۆكۈلسە قونجۇڭغا . 19.باي باينىڭ قاياشى ،گاداي گاداينىڭ . 20.ئاقىۋىتى يامان بولغان پادىشاھدىن ،ئاقىۋېتى ياخشى بولغان گاداي ياخشى . 21.ئاي تۈندە كېرەك ،ئەقىل كۈندە . 22.تۈگۈمەيدىغان ئىش يوق ،قىلتاققا چۈشمەيدىغان قۇش يوق . 23.يېغا ياندىن ،بالا قازا قېرىنداشتىن . 24.ھايۋاننىڭ ئالىسى تېشىدا ،ئادەمنىڭ ئالىسى ئىچىدە . 25.گۇمان ئىماننى قاچۇرۇپتۇ . 26.مەرتنى مەيداندا سىنا . 27.دۈشمەننىڭ قولىغا تىرىك چۈشكەندىن ،ئارىسلاندەك ئېلىشىپ ئۆلگەن ياخشى . 28.ئادەمنىڭ روھى چۈشسە ،ئۇنىڭ ئېتىمۇ يۈگۈرەلمەيدۇ . 29.پادىشاھلىق ئەل بىلەن ،تۆمۈرچىلىك يەل بىلەن . 30.ئاتا مېھرىبان بولسا ،بالا ۋاپادار بولىدۇ . 31.ھەر كىشى ئۆز غېمىدە ،قېرى قىز ئەر غېمىدە . 32.قۇلۇڭ ياغ بولسا ،ئېتىگىڭگە سۈركە . 33.قۇشمۇ دانسىز ئۇچالمايدۇ ،قۇرۇق تاغار ئۆرە تۇرالمايدۇ . 34.بىر قولۇڭ ئوتتا بولسا ،بىر قولۇڭ سۇدا بولسۇن . 35.ئورمانلاردا شىرلارنىڭ ،باغچىلاردا يىلانلارنىڭ بولۇشىدىن ئەجەبلىنىشنىڭ ھاجىتى يوق . 36.ناز قىزغا يارىشار ،غاز كۆلگە . 37.قىشنىڭ يازى بار ،كۆلنىڭ غازى بار ،توينىڭ سازى بار . 38.جىمغۇرنىڭ چىشى قولتۇقىدا . 39.گۈل بار يەردە تىكەن بار ،زەر بار يەردە يىلان بار . 40.ئالدىماققا بالا ياخشى ،خۇدا ئۇرسۇن قاقباشتىن . مەنبە :"ئىز" رومانىدىن .

مەرۋەرى

	ئەجرىڭىزگە تەشەككۈر نازىنىن! ئەمدى يۇقۇرقىغا ئوخشىمايدىغان ماقال-تەمسىلنى ئۇچىراتقان دوستلار بولسا داۋامىغا يوللاپ تۇرايلى!

سامسىپەز

	"چالا تەگكەن ئوق" نىمۇ قىزىقچىلىك قىلىپ "چالا توپلانغان ماقال-تەمسىللەر توپلىمى" دەۋاتقان سامسا ئالغىلى كەلگەن بىرى....   ئارىلىقتا بازاردا بىر خوتۇن بىلەن يەنە بىر ئادەمنىڭ گەپ تالىشىدىغان يېرى بار ئىمىش... ئالامەت دەيدۇ... ھەر بىر ئېغىز گېپىدە بىردىن ماقال - تەمسىل... ........... ئەر كۆركى ساقال، سۆز كۆركى ماقال. ... "قولۇڭ ياغ بولسا ئېتىگىڭگە سۈركە"..... بۇ سەل گۇمانلىق جۇما.... مەن ئۆتۈگۈمگە سۈركەيمەن ئادەتتە... [ سامسىپەز بۇ يازمىنى  2011-يىلى 2-ئاينىڭ 4-كۈنى 22:00  دە تەھرىرلىگەن. ]

tiwix

	ئەل  قوزغالسا  تەخىت  قوزغىلار ! خەلق ياندۇرغان چىراقنى پۈۋلىگەننىڭ ساقىلى كۆيەر . ئۆزۇڭ ئۈچۈن كۈلەرسەن ، يۇرتۇڭ ئۈچۈن كۆيەرسەن . يۇرتقا  پاتمىغان جاھانغا پاتماس . ئەل ئۈچۈن  چەكسەڭ  جاپا  ، ئەل سېنى قىلماس خاپا. ئەقىللىق  ئۆزىنى ئەيىپلەر ، ئەقىلسىز  ئۆزگىنى .