«مىسىر تەۋرىسە، ئىسرائىلىيە تىترەيدۇ»
تۈركىيە ئاۋازى رادىيوسى(02.02.2011) خەۋىرى:
ئىسرائىلىيە مىسىردىكى نامايىشلارنى ئەندىشە ئىچىدە كۈزەتمەكتە
بىر تەرەپتە مىسىردىكى مەۋجۇت تۈزۈمنى داۋالغۇتىۋەتكەن نامايىشلار داۋاملىشىۋاتقان بولسا، يەنە بىر تەرەپتە كۆزلەر باشقا ئەرەب دۆلەتلىرىگە مەركەزلەشمەكتە.
مۇتەخەسسىسلەرنىڭ قارىشىچە، ئىسرائىلىيە قوشنا دۆلەتلەردە كۆرۈلىۋاتقان ئىچكى قالايمىقانچىلىقنىڭ ئوتتۇرا شەرقتىكى ئەسكىرى مۇۋازىنەتلەرنىڭ ئۆزگىرىپ كېتىشىنى كەلتۈرۈپ چىقىرىشىدىن ئەندىشە قىلماقتا.
مىسىردا پىرېزىدېنت ھۆسنى مۇبارەك تۈزۈمىگە قارشى ئىسيانلار بارغانچە زورايماقتا. رايوندىكى رەھبەرلەرنىڭ ئۆزلىرىنى بىخەتەر ھېس قىلالمايۋاتقانلىقى ئوتتۇرىغا قويۇلماقتا.
مىسىردىكى ۋەقەلەر ئىسرائىلىيە تەرىپىدىن دىققەت بىلەن كۆزىتىلمەكتە.
ئىسرائىلىيە باش مىنىستىرى نېتانياھۇ، مىسىردىكى پاجىئەنىڭ نەتىجىسىدە بىر رادىكال تۈزۈمنىڭ كۈچكە ئىگە بولۇپ قېلىشىدىن ئەندىشە قىلىۋاتقانلىقلىرىنى ئېيتتى.
مىسىردىكى ۋەقەلەرنىڭ رادىكال گۇرۇپپىلار تەرىپىدىن سۇيىئىستىمال قىلىنىش ئېھتىمالىنىڭ بارلىقىنى قەيت قىلغان نېتانياھۇ، بۇنىڭ ئىراندىمۇ باشقا يەرلەردىمۇ كۆرۈلگەنلىكىنى ئەسكەرتتى.
ئەنگلىيەدە چىقىدىغان «Guardian» گېزىتىدە ئېلان قىلىنغان بىر پارچە ماقالىدە، ئىسرائىلىيەنىڭ ئۆزگىرىشلەرنى مىسىرنىڭ ئىككىنچى بىر ئىران بولۇپ قېلىش ئېھتىمالى ئەندىشىسى ئىچىدە كۈزىتىۋاتقانلىقىنى ئەسكەرتكەن ھالدا، «مىسىر تەۋرىسە، ئىسرائىلىيە تىترەيدۇ» دەپ ئانالىز قىلدى.
كۈزەتكۈچىلەرنىڭ قارىشىچە، ئىسرائىلىيە، تۇنىس ۋە ئارقىدىن مىسىرغا كېڭەيگەن قوزغىلاڭلارنىڭ كېڭىيىپ كېتىشىدىن ۋە ئوتتۇرا شەرقتىكى ئەسكىرى مۇۋازىنەتلەرنىڭ ئۆزگىرىپ كېتىشىدىن ئەنسىرىمەكتە ئىكەن.
ئىسرائىلىيەنىڭ قارىشىچە، قوشنا دۆلەتتە مەيدانغا كەلگەن ئىچكى قالايمىقانچىلىق 1979-يىلىدىكى تىنچلىق كېلىشىمى بىلەن كاپالەتكە ئىگە قىلىنغان مىسىر –ئىسرائىلىيە چېگراسىنىمۇ خەۋپكە ئىتتىرىدىكەن.
شۇنىڭ ئۈچۈن ئىسرائىلىيە خەۋپسىزلىك سىياسەتلىرىنى يېڭىدىن كۆزدىن كەچۈرمەكتە ۋە غەززەنىڭ ئاستىدىن ئۆتىدىغان تۇنېللارنىڭ تەكشۈرگىلى بولمايدىغان ھالغا كېلىپ قېلىشىغا قارشى تەييار تۇرۇشقا تىرىشماقتا.
باشقا ئەرەب دۆلەتلىرىدىن پەرقلىق تەرىپى مىسىرنىڭ ئىسرائىلىيە بىلەن دىپلوماتىك مۇناسىۋەتلىرى بار.
مىسىر ھەم پەلەستىنلىكلەر بىلەن ئىسرائىلىيەلىكلەر ئارىسىدا مۇرەسسەلەشتۈرگۈچىلىك قىلماقتا ھەم كونترول قىلىش سىستېمىسى ئارقىلىق ھاماسقا ئوخشاش ئىسرائىلىيەگە قارشى تەشكىلاتلارنىڭ كۈچلىنىپ كېتىشىنىڭ ئالدىنى ئېلىپ كەلمەكتە ئىدى.
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
http://www.uyghurqamus.com/read.php?tid=368
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
IP كارتىسى
ئىقتىدار كارتىسى
يوللىغان ۋاقتى: 2011-يىلى 2-ئاينىڭ 2-كۈنى 21:27:50
ئۆرلىتىش كارتىسى
چوققىلاش كارتىسى
سۈكۈت كارتىسى
شاۋقۇن كارتىسى
变色卡
显身卡
يوللىغان ۋاقتى: 2011-يىلى 2-ئاينىڭ 3-كۈنى 13:26:33
يوللىغان ۋاقتى: 2011-يىلى 2-ئاينىڭ 7-كۈنى 00:38:34