تاجىسىمان يۈرەك كېسىلى

گۈلسەنەم

	ئەسسالامۇ ئەلەيكۇم قېرىنداشلار، مۇشۇ تۇرمۇشىمىزدا پالانى تاجىسىمان يۈرەك كېسىلى بولۇپ قاپتۇ، پۇسكۇنىنىڭ دادىسى ياكى ئاپىسى ياجىسىمان يۈرەك كېسىلى بولۇپ قاپتۇ دېگەن گەپنى بەك كۆپ ئاڭلايدىغان بولۇپ كەتتۇق، ئەمسە مېنىڭ : تاجىسىمان يۈرەك كېسىلى دېگەن نېمە؟ ئۇنىڭ ئالامەتلىرى قانداق بولىدۇ؟ ئۇنىڭدا دىققەت قىلىدىغان ئىشلار ۋە كۈتىنىش توغۇرىسىدا مۇنبەرداشلار بىلەن ئورتاقلاشقۇم بار ئىدى، مۇشۇنداق قىلىش ئارقىلىق تۇرمۇشتا ئازراق بولسىمۇ تىببىي ساۋاتلاردىن خەۋەردار بولۇپ قالساق دېگەن ئۈمىدتتە بۇ تېمىنى يوللىدىم، قېنى بىلىدىغان قېرىنداشلارنىڭ پىكىرىنى ئايىماسلىقنى ئۈمىد قىلىپ، گۈلسەنەم!

مەرۋەرى

	مەن سەل تۇرۇپ ماتىريالدىن ئىزدەپ باقاي بولۇپ قالسا چوقۇم يوللاپ قويىمەن.

soyqut

	تاجىسىمان يۈرەك كېسىلى يۈرەك تاجىسىمان سوققاق تومۇرىنىڭ بوتقىسىمان قېتىشىشىدىن پەيدا بولىدىغان كېسەل بولۇپ، بۇ كېسەل ئادەتتە ئوتتۇرا ياش ۋە ياشانغان كىشىلەردە كۆپرەك كۆرۈلىدۇ. تاجىسىمان يۈرەك كېسىلى يېمەك - ئىچمەك تەڭپۇڭسىزلىشىش سەۋەبىدىن ياغ كىسلاتاسى ئېشىپ كېتىش، ئىسسىقلىق مىقدارى يۇقىرى، تالا ماددىسى بەك ئاز يېمەكلىكلەرنى يېيىش بىلەنمۇ مۇناسىۋەتلىك. شۇڭا، تاجىسىمان يۈرەك كېسىلىنىڭ ئالدىنى ئېلىشتا يېمەك - ئىچمەككىمۇ دىققەت قىلىش كېرەك   ئادەتتە، سەۋزىنى قورۇپ ئۇنىڭغا ئازراق ئاچچىقسۇ قۇيۇپ ئىستېمال قىلىش، بەرەڭگە (ياڭيو)، كەرەپشە، سەۋزە قاتارلىقلارنىڭ سۈيىنى چاي ئورنىدا ئىچىش، سەۋزىنى قىيام قىلىپ مېۋە قىيامى ئورنىدا ئىستېمال قىلىش كېرەك. سەۋزىنىڭ خۇسۇسىيىتى مۆتىدىل بولۇپ، قان بېسىمنى چۈشۈرۈش، يۈرەكنى كۈچەيتىش، قان قەنتىنى تۆۋەنلىتىش رولىغا ئىگە. ئارپا ئۈندۈرمىسى يېغىنىڭمۇ سوققاق تومۇر قېتىشىش ۋە تاجىسىمان يۈرەك كېسىلىنىڭ ئالدىنى ئېلىشتا ئۈنۈمى بىر قەدەر ياخشى. شۇڭا، ئوتتۇرا ياش ۋە ياشانغانلار ئارپا ئۈندۈرمىسى يېغىنى مۇۋاپىق مىقداردا ئىستېمال قىلىپ بېرىشى كېرەك.   تاجىسىمان يۈرەك كېسىلى بىمارلىرى ياغلىق، ئاچچىق - چۈچۈك، يەللىك يېمەكلىكلەرنى ئاز يېيىشى كېرەك. بۇنىڭدىن باشقا، كۆڭلىنى ئازادە تۇتۇشى، كۈندە مۇۋاپىق مىقداردا چېنىقىشى، بەك ھاياجانلانماسلىقى، ئېغىر جىسمانىي ھەرىكەت بىلەن شۇغۇللانماسلىقى كېرەك. ئەخمەتجان ئىسمايىل كېلىش مەنبەسى: شىنجاڭ پەن-تېخنىكا گېزىتى

گۈلسەنەم

	رەھمەت سۆيقۇت! باشقىلارنىڭمۇ ئوخشىمايدىغان قاراشلىرى بولسا كۆرۈپ باقايلى!

soyqut

	ياۋروپالىق تەتقىقاتچىلارنىڭ كەڭ كۆلەملىك ئىز قوغلاپ تەكشۈرۈشى نەتىجىسىدە كۆرسىتىلىشىچە، كۆكتات، مېۋە-چىۋىنى كۆپ يەپ بەرگۈچىلەرنىڭ تاجسىمان يۈرەك كېسىلى بىلەن ئۆلۈش خەتىرى كۆكتات، مېۋە-چىۋىنى ئاز يېگۈچىلەردىن تۆۋەن بولىدىكەن. بۇ تەتقىقات نەتىجىسى كىشىلەرنىڭ كۆكتات، مېۋە-چىۋىنى كۆپ يەپ بېرىشىگە تۈرتكە بولىدىغان يېڭى ئامىل بولۇپ قالىدۇ. ئەنگلىيە ئوكسىفورد ئۇنىۋېرسىتېتىنىڭ تەتقىقاتچىلىرى ۋە ياۋروپادىكى كۆپلىگەن دۆلەتتىكى ئوخشاش كەسىپتىكىلەر 19-يانۋار ئەنگىلىيەدە چىقىدىغان «ياۋروپا يۈرەك كېسىلى ئىلمىي ژۇرنىلى»دا دوكلات ئېلان قىلىپ مۇنداق دېدى: ياۋروپادىكى سەككىز دۆلەتتە 300 مىڭ كىشىنىڭ سالامەتلىك ئەھۋالىنى ئوتتۇرا ھېساب بىلەن سەككىز يىل ئىز قوغلاپ تەكشۈردۇق، تەكشۈرۈش نەتىجىسى شۇنى كۆرسەتتىكى، كۈندىلىك يېمەكلىكىدە كۆكتات، مېۋە-چىۋە مىقدارى سەككىز ئۈلۈشنى ئىگىلەيدىغان كىشىلەرنى كۈندىلىك تامىقىدا كۆكتات، مېۋە-چىۋە مىقدارى ئۈچ ئۈلۈشنى ئىگىلەيدىغان كىشىلەر بىلەن سېلىشتۇرغاندا، تاجىسىمان يۈرەك كېسىلى بىلەن ئۆلۈش خەتىرى ％22 تۆۋەن بولىدىكەن. بۇ يەردە دېيىلىۋاتقان بىر ئۈلۈش 80 گىرام كۆكتات، مېۋە-چىۋىنى كۆرسىتىدۇ، بۇ بىر تال كىچىكرەك بانان ياكى ئوتتۇراھال چوڭلۇقتىكى ئالما ۋە ياكى كىچىكرەك سەۋزىگە باراۋەر. تاجىسىمان يۈرەك كېسىلىنى داۋالاشقا دائىر رېتسىپلار گۈلسامساقتىن 20 گرام، زاراڭزا چېچىگىدىن 3 گرام ئېلىپ سۇدا قاينىتىپ كۈندە ئىككى ۋاخ ئىچىپ بېرىش. يەر ياڭىقىنىڭ مېغىزىدىن 30 گرام، گۈرۈچتىن 50 گرامنى سۇدا قاينىتىپ ئۇماچ ھالەتكە كەلتۈرۈپ، كۈندە بىر- ئىككى ۋاخ ئىچىپ بېرىش. (شۇ مەزگىلدە قىزىلمۇچ قاتارلىق غىدىقلىغۇچى يىمەكلىكلەرنى يېمەسلىك لازىم.) تەرخەمەك سۈيىدىن 30 مىللىلېتىر، نىلۇفەر يۇپۇرمىقىنىڭ سۈيىدىن 15 مىللىلېتىر، خام زەنجىۋىلنىڭ سۈيىدىن 3 مىللىلېتىرنى تەييارلاپ، كۈندە ئىككى ۋاخ ئىچىپ بېرىش. 10 گرام خام زەنجىۋىل بىلەن 2-3 تال سۇڭپىيازنىڭ ئېقىنى سۇدا 15 مىنۇت قاينىتىپ، ئۇنىڭغا 100 گرام تەرخەمەكنى سېلىپ يەنە بىر قاينىتىۋىتىپ، تەرخەمەكنى ئېلىپ يەپ، سۈيىنى ئىچىپ بېرىش. ئالقانسىمان كاكتۇس (پېتەكگۈل، خەنزۇچە نامى 仙人掌) دىن 60 گرام، ياڭاق مېغىزىدىن 30 گرام، ئاق موردىن 15 گرام ئېلىپ، سۇدا قاينىتىپ كۈندە ئىككى ۋاخ ئىچىپ بېرىش. ھەر كۈنى ياڭاقتىن ئىككىنى، ئۆرۈكتىن ئىككىنى، قارا كۈنجۈتتىن 20 گرام ئېلىپ بىر قېتىمدىلا يەۋىتىش.    قىزىل گۈلدىن 10 گرام، ئاپلېسىن پوستىدىن 10 گرام، غازنىڭ قېنىدىن 50 گرام  ئېلىپ  قاينىتىپ  يېيىش [ soyqut بۇ يازمىنى  2011-يىلى 1-ئاينىڭ 31-كۈنى 23:50  دە تەھرىرلىگەن. ]

باغرىم

	مۇشۇ دورىگەرلەر بولمىغان بولسا كېسەل داۋالايمەن دەپ قايسى تاغ ، قايسى باغلاردا ئۆسۈملۈكلەرنى تېرىپ ، تەمتىرەپ يۈرەر بولغىىيتتۇق ، ئۇلارغا كۆپ رەھمەت جۇمۇ ... يەنە سويقۇتقىمۇ  رەھمەت !

anar

	ۋاي خۇدا ...بۇنىڭ ئالەمەتلىرى قانداق بولا ؟ يېقىدىن سول تەرىپىم مۇجۇپ مۇجۇپلا بىر بىئارام قىلىدىغان بوپ قالدى ، شۇنداق تېز ئۆتۈپ كېتىدۇ ئۇنداق ئەھۋال ...ئەمما شۇندىن كېيىنلا يۈرەك سوقۇشۇم بەك تېزلاپ كېتىدىكەن ، بۇنىڭغا ئېتىبار قىلماپتىكەنمەن ، تۈنۈگۈن بايقاپ قالدىم