يۈز راستچىل ئەمەس ،پۇت ئىشەنچىلىك

nazinin

	ئەنگىلىيىلىك پىسىخولۇگ مورىس تەتقىق قىلىش ئارقىلىق "ئادەم تېنىدىكى چوڭ مېڭىدىن قانچە يىراق بولغان ئەزا شۇنچە راستچىل بولىدۇ " دەيدىغان قىزىقارلىق ھادىسىنى بايقىدى . يۈز چوڭ مېڭە ئاساسىي نېرۋا قىسمىغا ئەڭ يېقىن بولغاچقا ، ئەڭ ئىشەنچىسىز ئىكەن . بىز كىشىلەر بىلەن ئۇچراشقاندا ، ئەڭ دىققەت قىلىدىغىنىمىز ئۇلارنىڭ يۈزى . باشقىلارنىڭمۇ ئوخشاش ئۇسۇلدا بىزگە دىققەت ئېتىبارىنى ئاغدۇرغانلىقىنىمۇ بىلىمىز .شۇڭا ،كىشىلەر ھەمىشە قاپاق تۈرۈش ، كۈلۈمسىرەش ئارقىلىق يالغانچىلىق قىلىدۇ .يەنىمۇ ئاستىغا قارايدىغان بولساق ، قول تەننىڭ ئوتتۇرا تۆۋەنرەك قىسمىغا توغرا كەلگەچكە ، راسچىللىق دەرىجىسىمۇ ئوتتۇرھالغا تەۋە ، كىشىلەر ئالدامچىلىق قىلىشتا ئۇنىمۇ ئانچە -مۇنچە ئىشقا سالىدۇ .بىراق پۇت چوڭ مېڭىدىن ئەڭ يىراق بولغاچقا ، مۇتلەق كۆپ قىسىم ئادەملەر  بۇ ئەزا بىلەن ھەپىلىشىپ كەتمەيدۇ .شۇڭا ، ئۇ  يۈز ،قولغا قارىغاندا راستچىل . ئۇ كىشىلەردىكى ئالاھىدە پىسخىكا ---ئاشكارىلاش پۇت تىلىنى شەكىللەندۈرىدۇ . ئادەم تېنىنىڭ بىر قىسمى بولۇش سۈپىتى بىلەن پۇتنىڭمۇ ئۆزىگە خاس تىلى- ئادەتلىك ھەركەتلىرى بار .ئېلىمىزنىڭ مول سۆزلۈكلىرى ئىچىدىمۇ پۇت تىلىنى ئىپادىلەيدىغان سۈپەتلەر نۇرغۇن .بۇ سۈپەتلەرنى پۇتنىڭ ئېغىر ،يېنىڭ ،ئىتتىك ،ئاستا ،تەمكىن ،قالايمىقان قاتارلىق ھالىتىنى ئىپادىلەيدۇ دېگەندىن كۆرە ،ئادەمنىڭ ئىچكى ھېسسىياتىدىكى تەمكىنلىك ياكى تەنتەكلىك ؛ تېنچلىق ياكى تېرىكىش ؛ خاتىرجەملىك ياكى ساراسىمە دېگەنلەرنى ئىپادىلەيدۇ دېگەن تۈززۈكرەك . ئادەمنىڭ كەيپىياتى ئوخشاش بولمىسا ،يول مېڭىش ھالىتىمۇ ئوخشىمايدۇ . خۇلق-مېجەزى ئوخشىمىغانلارنىڭ مېڭىش -تۇرۇشىمۇ ئوخشاش بولمايدۇ ؛ پۇت تىلىمۇ ئۇسۇلنىڭ تاكتىكىغا ئوخشاش بىر خىل رىتىم ،كەيپىياتقا ماس ئۇرۇلىدىغان تاكىت . دەرغەزەپكە كېلىش -تەبىئەت دۇنياسىدىكى تېز ھەم ئېغىر رىتىم . مەمنۇنلۇقتا قىن-قىنىغا پاتماي قېلىش ،بولسا يەنە بىر خىل رىتىم ، يەنە بىر خىل تېز ،ئەمما يېنىك رىتىم . پۇت تىلى ئادەمنىڭ كەيپىياتىنى ئىپادىلەپلا قالماي ،يەنە خاراكتىرىنىمۇ ئېچىپ بېرىدۇ . ئەگەر لاتاپەتلىك ،چىرايلىق بىر قىزنىڭ يول مېڭىشى ئالدىراش ، ئېغىر ھەم قالايمىقان بولسا ، بۇ قىزنى چوقۇم مېجەزى ئوچۇق ، كۆڭلى تۈز ، غۇم ساقلىمايدىغان قىز ئىكەن ،دەپ چەزىملەشتۈرگىلى بولىدۇ . ئەكسىچە قارىماققا زەبەردەس ،ئەمما يول يۈرۈشى ئېھتىياتچانلار بولسا ، ئېرەنسىز ، ئەمما ناھايىتى ئىنچىكە ، ئەقىللىق كېلىدۇ . مۇنداقلارنىڭ مەردانە تاشقى قىياپىتى ئاستىدا مۇستەھكەم قائىدە -نىزاملار يوشۇرۇنغان بولىدۇ . ئادەملەرنىڭ پىسخىك ئىپادىلىرى پۇتىدا ئىپادىلىنىپ قالىدۇ . ئەگەر بىرى ئولتۇرۇپلا پۇتىنى ئالمىۋالسا ، ئۇنىڭدا ئۇتتۇرغاندا تەن بەرمەيدىغان قارشىلىشىش پىسخىكىسىنىڭ مەۋجۇتلۇقىنى بىلىۋالغىلى بولىدۇ . ئەگەر ئاياللار مەردانىلىق بىلەن پۇتىنى ئالماپ ئولتۇرسا ، ئۆز ھۆسنى -جامالىغا يېتەرلىك ئىشەنچىسىنىڭ بارلىقىنى ھەمدە ئۆزىنى كۆرسىتىش ئىستىكىسىنىڭ كۈچلۈكلىگىنى ئىپادىلەيدۇ . ئادەم ئۆرە تۇرغاندا ، پۇتى ھەمىشە كۆڭلىدە ياد ئېتىدىغان ياكى قوغلۇشىدىغان تەرەپكە ياكى شەئىيگە قاراپ قالىدۇ . مەسىلەن : ئۈچ ئەر بىللە ئۆرە تۇرغان بولسا ، قارىماققا ئۇلار كۆڭۈل قويۇپ سۆھبەتلىشىۋاتقاندەك ، يان تەرەپتە تۇرغان گۈزەل  قىزغا ھېچقايسىسى قارىمىغاندەك قىلغان بىلەن ، ئەمەلىيەتتە ھەر بىرىنىڭ بىردىن پۇتى شۇ قىز تەرەپكە يۈزلەنگەن بولىدۇ ،يەنى ھەممىسى ئۇنىڭغا دىققەت قىلىۋاتقان بولىدۇ . ئۇلارنىڭ پۈتۈن زېھنى بىلەن سۆھبەتلىشىشى بىر نىقاب ، ھەقىقىي ئەھۋال يوشۇرۇن ھالەتتە ، ئەمما ئۇلارنىڭ پۇتى بۇ سىرنى ئاشكارىلاپ قويىدۇ . ئادەملەرنىڭ پۇت تىلى مۇھىت ۋە ئەھۋالغا قارىتا ھەر خىل بولسىمۇ ، ھەر بىر ئادەمنىڭ ئۆزىگە خاس تۇراقلىق پۇت تىلى بولىدۇ . مۇشۇنداق بولغاچقا ، مۇنداق بىر خىل ھادىسىنى چۈشەندۈرۈپ كېتەلەيمىز : ئۆزىڭىزگە تونۇشلۇق بىرىنىڭ چىرايىنى كۆرمەي تۇرۇپمۇ ، ئاشۇ ئاياغ تىۋىشىنىڭ ئېغىر ياكى يېنىك ، جىددىي ياكى تەمكىنلىكىنى ئاڭلاپلا ئۇنىڭ كىملىكىنى ئاساسەن جەزىملەشتۈرەلەيسىز . مەنبە : "تەرمىلەر " ژورنىلى

anar

	ھىم ....شۇبىر  يىللىرى ئىككىلەنمەي بۇرۇلۇپ ماڭغىنىم مېڭەمنىڭ ئەڭ راستچىل تاللىشىكەندە

جۇلالىق

	پۇت راستىچىل بولسا، بەزىدە نېمىشقا ماڭمايدىغان يوللارغا مېڭىپ قالىدۇ دەيمەن؟ ئانار، قايسى ئىشتا ئىككىلەنمەي بۇرۇلۇپ باڭغان؟

گۈلسەنەم

	قارىغاندا مېنىڭ پۇتۇم ئىشەنچىلىكمۇ قانداق، ماڭغان يوللىرىم توپ-توغرا ئىكەن، پۇشايمانغا باشلاپ باقماپتۇ

soyqut

	ئېغىز يۈگۈرىكى باشقا، پۇت يۈگۈرىكى باشقا، كاللا يۈگۈرىكى باشقا كۆڭۈل يۈگۈرىكى باشقا. ئېغىز يۈگۈرىكى باشقا بالا، پۇت يۈگۈرىكى باشقا بالا، كاللا يۈگۈرىكى باشقا بالا، كۆڭۈل يۈگۈرىكى باشقا بالا.

باغرىم

	يىگىتىمىز بىلەن يولدا ماڭغاندا قىزلارغا قارىغان  - قارىمىغىنىنى كۆزىگە قارىماي ، پۇتىغا قاراپلا بىلىۋالغۇدەكمىز ، بۇمۇ ياخشى ئامال ...

مەرۋەرى

	باغرىم بۇ يازمىنى 2011-يىلى 2-ئاينىڭ 1-كۈنى 00:22 دە يوللىغان يىگىتىمىز بىلەن يولدا ماڭغاندا قىزلارغا قارىغان  - قارىمىغىنىنى كۆزىگە قارىماي ، پۇتىغا قاراپلا بىلىۋالغۇدە ... ھەئە يىگىتىڭىزنىڭ   ، ئانار گەپ قىلىڭە، بوۋىيىمنىڭ دىسە بىر گەپقۇ ، ئاھ خۇدا قانداق ياشارمەن ئەمدى

soyqut

	باغرىم بۇ يازمىنى 2011-يىلى 2-ئاينىڭ 1-كۈنى 00:22 دە يوللىغان يىگىتىمىز بىلەن يولدا ماڭغاندا قىزلارغا قارىغان  - قارىمىغىنىنى كۆزىگە قارىماي ، پۇتىغا قاراپلا بىلىۋالغۇدە ... مۇتلەقلەشتۈرۋەتمەڭ -ھە

باغرىم

	مەرۋەرى بۇ يازمىنى 2011-يىلى 2-ئاينىڭ 1-كۈنى 00:24 دە يوللىغان ھەئە يىگىتىڭىزنىڭ   ، ئانار گەپ قىلىڭە، بوۋىيىمنىڭ دىسە بىر گەپقۇ ، ئاھ خۇدا قانداق ياشارمەن ئەمدى بوۋاينىڭمۇ پۇتى باردۇ ؟

مەرۋەرى

	باغرىم بۇ يازمىنى 2011-يىلى 2-ئاينىڭ 1-كۈنى 00:29 دە يوللىغان بوۋاينىڭمۇ پۇتى باردۇ ؟ شۇ<< يىگىتىمنىڭ>> دېسىڭىز بوۋىيىڭىزنى  خاتا چۈشىنىپ قالمىسۇن دەپ ئەسكەرتىپ قويدۇم، بوۋىيىمنىڭ پۇتى دەڭ مانداق، ياشقا بېقىپ