قول يەتمىگەن شاپتۇل ئاچچىق

قەھۋە

	ئاپتورى: ئايزىت     ئازابلىنىشقا تېگىشلىك ئىنسانلار ئۈچۈن ئازابلىنىشنىڭ ئۆزىمۇ ئۆزگىچە بىر لەززەت.     مەن ئۇنىڭ ئۈچۈن ئاچچىق يۇتىۋاتىمەنمۇ ياكى ئۆزۈم ئۈچۈنمۇ؟ كاللامدا ئېنىق بىر نەرسە يوق. بىراق كۆڭلۈم بەك يېرىم.     مەن ئۇنى بۇنداق ئەسەبىيلەرچە ياخشى كۆرۈپ، ئۇنىڭ دەردىنى تارتىپ قالىمەن، دەپ پەقەتلا ئويلاپ باقمىغانىدىم.     تولىمۇ ئەپسۇس، مانا ئەمدى ئۇنىڭ دەردىدە مىڭ ئۆلۈپ، بىر تىرىلىۋاتىمەن.     دەردىمنى بىر ئاللاھ، بىر ئۆزۈم بىلىمەن. ئۇنىڭ يۈرىكىمۇ يۈرەك بولسىلا ئۇمۇ ھېس قىلار. چۈنكى يۈرەك يۈرەكنىڭ بەخىتتىن دۈپۈلدەپ سوقۇشىنى بىلەلمىسىمۇ، ھىجراندىن، ئەلەمدىن تىترىشىنى بىلەلەيدۇ ئەمەسمۇ!؟     مەن باش-ئاخىرى يوق چەكسىز خىياللار ئىلكىدە قىينىلىۋاتىمەن. ئىككىمىزنىڭ ئىجىل-ئىناق، مۇھەببەتلىك كۈنلىرىمىزنى تولا ئەسلەپ ئەقلىمدىن ئادىشايلا دەپ قالدىم. ئۇنىڭ كۆزۈمچىلا باشقىلارنىڭ بولۇپ كېتىشىگە قىيالماي ئاخىرى ئۆلىۋېلىش قارارىغا كەلدىم.     ھاياتلىقتا ياشاشنىڭ يوللىرى كۆپ بولغىنىدەك، ئۆلىۋېلىشنىڭمۇ يوللىرى بەك كۆپ. مۇڭ باسقان غېرىپ ھۇجرامنىڭ ئىشىك-دېرىزىسىنى چىڭ تاقاپ دورا يەپ ئۆلىۋالايمۇ ياكى ئۆزۈمنى بىنادىن تاشلىۋالايمۇ؟     ئۇنداق قىلسام بىچارە ئانامنى خەلقى-ئالەم ئالدىدا قارا يۈز قىلىۋەتمەمدىمەن؟ توك تۇتۇپ، سۇغا غەرق بولۇپ...ياق، ياق!ياق ھېچقايسىسىنى تالىيالمىدىم، توغرىسى جۈرئەت قىلالمىدىم. ھاراقنى بولۇشىغا ئىچىپ مەست بولۇپ، خالىغانچە يول يۈرۈپ يۇقىرى سۈرئەتلىك تاش يولدا ماشىنىغا سوقۇلۇپ...ئۆلۈۋېلىشنىڭ شۇنچە كۆپ يوللىرىنىڭ بىرەرىدىمۇ ماڭالماي ئاخىرى يالغۇز ئولتۇرۇپ ھاراق ئىچىپ قاچان، قانداقلارچە ئۆيگە قايتىپ كەلگىنىمنىمۇ ئۇقماي قاپتىمەن.     ئەتىگەنلىك قۇياشنىڭ كۆيدۈرگۈچى نۇرى يۈزۈمگە چۈشكەندە چۆچۈپ ئويغىنىپ ھەيرانلىقتا دېرىزىدى سىرتقا قارىدىم.     قۇياش ئۇپۇقتىن يەنىلا مەغرۇر چىقىپتۇ. يەر شارى يەنىلا ئۆز ئوقىدا غەمسىز ئايلىنىۋېتىپتۇ. كۆيۈمچان ئانام مەن ئۈچۈن چاي دەملەپ پايپېتەك بولۇۋېتىپتۇ. ئاخشامقى خىياللىرىمدىن، بىمەنىلىكىمدىن ئەندىكىپ كەتتىم.ئانامنىڭ لەۋلىرىمىنى، يۈرىكىمنى كۆيدۈرگۈچى ئىسسىق چېيىدىن ئىتتىك-ئىتتىك ئوتلاپ ئۆزۈۈمنى دۇنياغا قايتىدىن تۆرەلگەندەك ھېس قىلىپ، بۇرۇنقىدىنمۇ نەچچە ھەسسە گۈزەل ئارمانلارنى كۆڭلۈمگە پۈكتۈم. چۈنكى بۇ دۇنيادا مەن قەدىرلەشكە تېگىشلىك نەرسىلەر تولىمۇ كۆپ ئىكەن.

saye

	دالىي كارنگ ئېيتقان:" يىراقتىكى غۇۋا نىشانغا قارايمەن دىسەڭ، شۇنچىلىك ئۈمۈدسىزلىك ئىچىدە چارچاش، ئىشەنچىسىزلىكتىن باشقا ھېچنەرسىگە ئېرىشەلمەيسەن، كۆز ئالدىڭدىكىنى قەدىرلە، پۇرسەتنى چىڭ تۇت، يىراقتىكى غۇۋالىققا ئېسىلىۋالما، ئۇ سېنى ھالاك قىلىدۇ."

جۇلالىق

	ئۆتۈپ كەتكەن ئەسلىمىلەرنى كەينىڭگە تاشلىۋېتىپ، كەلگۈسىگە قاراپ ئىنتىلىپ ياشا. شۇندىلا ھاياتنىڭ مەنىسىنى بىلەلەيسەن.

saye

	-ئۇستاز، تۆنۈگۈن، بۈگۈن ۋە ئەتىنىڭ پەرقى نىمە؟ -تۆنۈگۈنگە باقما، بۈگۈننى قەدىرلە، ئەتە ئۈچۈن كۈرەش قىل. - . . .