تاشلاندۇق خاتىرە(دىلەيسەم)

دىلەيسەم

	تاشلاندۇق خاتىرەمنى بۈگۈن يەنە ۋاراقلاپ قالدىم. ****يىلى**ئاينىڭ* كۈنى بۈگۈن ئادەتتىكىدەك بىر كۈن، بىراق مېنىڭ كۆڭلۈم تولىمۇ يېرىم ئىدى، نىمىشقىدۇر يىغلىغۇملا كېلىپ تۇراتتى، ئۆزۈمنى شۇنداق چارچىغاندەك ھېس قىلۋاتاتتىم، ئۇنىڭ ئۈستىگە يۈز بېرىۋاتقان نۇرغۇن ئىشلارغا قانداق مۇئامىلە قىلىشىمنى بىلەلمەي قېلۋاتاتتىم، ھېلىمۇ تەلىيىمگە مېنىڭ يېنىمدا بۇ ۋاپادار ھەمرايىم بار ئىكەن، ئۇ مېنىڭ پۇتۇمغا - پۇت، قولۇمغا -قول بولۇپ، ئەتتىراپمىدا پەرۋانە بولۇپ، مېنىڭ يۈكۈمنى يېنىكلىتىشكە، مېنى خۇش قىلىشقا  تىرىشۋاتاتتى، بىراق يەنە نۇرغۇن ئىشلارنى يەنىلا ئۆزۈم قول سېلىپ پۈتتتۈرمىسەم بولمايتتى، ئۇنىڭسىزمۇ ئۇنىڭ ئىشى ئاز ئەمەس ئىدى، ئۇنىڭ كۈن بويى ئالدىراش يۈرگەنلىكىنى كۆرۈپ، كەچلىرى چارچىغىنىدىن ھېچنەرسىنى تۇيماي ئۇخلاشلىرىغا قاراپ ئىچىلىرىم سېرىلىپ كېتەتتى. ئۇنىڭ بىرەر كۈن بولسىمۇ ئارام ئېلۋېلىشىنى، بىرەر كۈن قېنىپ ئۇخلىۋېلىشىنى شۇنچىلىك ئارزۇ قىلاتتىم، بىراق ئۇ بۇ ئائىلە ئۈچۈن، بالىلار ئۈچۈن ئۇنداق قىلمايتتى، ئەجىبا بۇ بالىلار بۇلارنى ھېس قىلماسمۇ، نېمىشقا بىزنى بۇنچە پاراكەندە قىلىدىغاندۇ؟:'( :'(

مەرۋەرى

	بۇ ئەھمىيەتلىك خاتىرىڭىزنى تاشلىنىپ قالمىغان بولسا بەك ياخشى بولاتتى دىلەيسەم، بەزىبىر ئەسلىمىلىرىڭىز ئادەمگە تەسەللىي بەرسە، بەزىلىرى ئادەمگە روھى ئوزۇق بولىدىكەن. بۈگۈن قىزىم غۇلجىدىكى ئۆيدىن مېنىڭ قاچانلاردىدۇر يېزىپ قويغان بىر خاتىرەمنى ئەكەپتىكەن، ۋاراقلاپ ئولتۇرۇپ شۇ خاتىرىنى يازغان ۋاقىتلىرىمنى ئەسلەپ قالدىم، خاتىرە يېزىشقىمۇ بىر تۈرتكە بولىدىغان ئىش- پىشلار بولمىسا بولمامدۇ نىمە، ھازىز بىرەر نەرسە يازاي دىسەم كاللام قۇپقۇرۇقلا،  بۇنداق دىسەم قىسمەت ، سىز ئۆزىڭىزنى تاشلىۋەتتىڭىز دەيدۇ، راستلا شۇنداق بولغانمىدۇ ياكى مەندە يازغىدەك نەرسە يوقمىدۇ؟ ئەسلىدىلا مەندە يازغىدەك نەرسە يوق ئىدى، ئەمما ئۆزۈم تۇرمۇشتىن ئاختۇرۇپ يۈرۈپ ئۇنى- بۇنى يازاتتىم، گەرچە كەسپىي يازغۇچىلاردەك پاساھەتلىك قۇرلارنى يازالمىساممۇ، چىن يۈرەكتىن چىققان چىن سۆزلەر بولغاچقىمىكىن، تۇرمۇشقا يېقىن بولغاچقىمىكىن، يەنىلا دوستلارنىڭ ياقتۇرىشىغا ئېرىشىپ كەلگەن ئىدى. بۇرۇنقى يازمىلىرىمنى ئوقۇپ باقسام ھەممىسىدىلا قايغۇ -ھەسىرەت،  دەرت- ئەلەم ئىكەن، ئاللاھ خالىسا ھازىر غەم قىلىدىغان ئىشلىرىم  پەقەت ئائىلىدىكى كىچىك ئىشلار بىلەن چەكلىنىدىكەن، ئۇنىڭ ئاھ ئۇرۇرپ كەتكۈدەك نەرى بار دەيسىز؟؟ قانداقلا بولمىسۇن ھازىر ئاتا- ئانام ھايات يەنە كېلىپ يېنىمدا، يولدۇشۇم، ئوماق بالىلىرىم يېنىمدا، مۇكەممەل بىر ئائىلەم، مۇقىم خىزمىتىم، ئەڭ مۇھىمى يەنە ئەتتىراپىمدا نۇرغۇنلىغان ۋاپادار دوستلىرىم بار، شۇڭا شۇنداق بىغەملىشىپ كەتكەن ئوخشايمەن، راستىنى ئېيتقاندا ھورۇنلىشىپ قاپتىمەن، ئەمما بۈگۈندىن باشلاپ ۋاقتىم چىقسىلا دىلەيسەمنىڭ بۇ خاتىرىسىگە مەنمۇ شۇ خاتىرەمدىكى ئۆزۈمگە ئەھمىيەتلىك بىلىنگەن  قۇرلارنى يوللاپ تۇرىمەن.

زۆھرە

	2012- يىلى 10- ئاينىڭ 16- كۈنى بۈگۈن مەن بۇ تاشلاندۇق خاتىرەمنىڭ بەتلىرىنى يېڭى مەزمۇنلار بىلەن بىزەش نىيتىدە كۇنۇپكا تاختىسى ئالدىغا كەلدىم. تۇرمۇش بىر سەھنە، ئادەملەر شۇ سەھنىدىكى رول ئالغۇچىلاردۇر، دېگەن بۇ گەپنى بەكلا تولا ئاڭلىغان، ئەمما تولۇق چۈشەنمەپتىكەنمەن، ئەتتىراپىمدىكى چوڭ- كىچىك ئارتىسلارنىڭ ئېلىۋاتقان روللىرىغا زادىلا دىققەت قىلماي كەپتىكەنمەن،  بۈگۈن تولۇق مەنىسى بىلەن چۈشەندىم. مەن يېتىشكەن ئارتىسلار ئارىسىدا ياشاۋېتىپتىمەن، بەزىدە بىلىپ- بىلمەي ئۇلارنىڭ تۇرمۇش سەھنىسىگە چىقىپ قېلىپ، پۇتلۇشۇپ دۈم چۈشكەندە بىراق ئۇيقۇمنى ئېچىپتىمەن، خەير..... مەن ھاياتىمدا قولۇمدىن كەلسىلا بىراۋلارغا ياخشىلىق قىلىشنى ئۆزۈمدىكى ئەڭ چوڭ ئارتۇقچىلىق دەپ كەلگەن ئىدىم، ھەم شۇنداق قىلىۋاتقان ئىدىم، ئەپسۇس مىڭلارچە ئەپسۇس.... دىلەيسەم بۈگۈن يېڭىچە بىر ئادەم قىياپىتىدە ھاياتىنى داۋاملاشتۇرماقچى، ئاللاھ ماڭا مەدەت بولغاي!

گۇلخان

	ۋاھ،زوھرە جانىمنى كۆرمىگىلى بەك ئۇزاق بولدىغۇ؟باشلىقنڭ ياغاچ ئۇشتايلىمۇ دەيدىغان بىر گىپى بۇلىدىغان.شۇنداق قىلايلىمۇ زۆھرا جانىم،ئەجەپ كەم دىدار بوپ كەتتىڭىز مۇشۇ ئاي-مۇشۇ كۈنلەردە،ئادەمنى سېغىندۇرۇپ......سىز كىرمىگەننىڭ ياقى  جېق ئىشلار بوپ كەتتى دەيمەن.مەسىلەن ئالساق..ئايدار ئايرۇپىلان بىلەن ئۇرۇمچىگە كەلدى،ئارقىدىن مايسەم كىچىك كەپ قالغان ئايفۇننى  چىدىمىغان ھالدا لىۋىنى چىشلەپ تۇرۇپ ئايدارغا خۇشاللىق بىلەن بىرىۋەتتى،ئايدار ئۇنى مۇنبەردە كۆز-كۆز قىلىپ جۇلىقنى چىقىرۋەتتى،يەنە.....يەنە مۇنبەردە كىچىك كېپ قالغان  نۇرغۇن نەرسىلەر نۇرغۇنلىغان ئادەملەرگە بىرىلدى،،،نۇرغۇن كىشىلەر ئايرۇپىلان بىلەن نۇرغۇن يەرلەرگە بېرىپ كەلدى ئالايلۇق،تىپىك مىسالى يەنە شۇ ئايدار ...ئۇ ئايرۇپىلان بىلەن يەتتە شەھەرنى ئايلىنىپ كەلدى.پەقەت شۇ سىزلا قاپسىز،يا سىزمۇ ئايرۇپىلان بىلەن بىر يەرلەرگە بېرىپ كەلدىڭىزمۇ يابىر چاغدا چاماداننى سۆرىگەن پېتى چىقىپ كىتىپ بارغاندەك قىلاتتىڭىز راست....ئۇنداق قىلماي كىرىپ تۇرۇڭە  ،بولمىسا سىزنى سېغىنىپ يىغلاپ تاشلايدىكەنمەنمانا كۆرگەنسىز سىز كەلمىگەننىڭ ياقى مەن ئازراق ھاياجانلانساملا مۇشۇنداق تاققۇ-تۇققا سۆزلەپ قالىدىغان بوپ قالدىم  قاراڭ،ئەگەر يەنە ئايرۇپىلان بىلەن بىر يەرگە بارسىڭىز بىزگە دەپ قۇيۇپ بېرىڭ،بولمىسا مۇنبەردىكى قالغانلارمۇ مەندەك تاققا-تۇققا سۆزلەيدىغان بوپ قالمىسۇن.