كەلگۈسى 20 يىلدا مۇسۇلمانلار سانى تېز سۈرئەتتە ئاشىدىكەن

جۇلالىق

	خەلقئارا لىنىيە مەخسۇس خەۋىرى: فىرانسىيە ئاخبارات ئاگېنتلىقىنىڭ 27-يانۋاردىكى خەۋىگە ئاساسلانغاندا، پېۋ تەتقىقات مەركىزىنىڭ پەيشەنبە كۈنى تاپشۇرغان بىر پارچە دوكىلاتىدا، بۇنىڭدىن كېيىنكى 20 يىلدا، دۇنيادىكى مۇسۇلمانلار سانىنىڭ ئېشىش سۈرئىتى مۇسۇلمان ئەمەس ئادەملەرنىڭ سانىنىڭ ئىككى ھەسسىگە يېتىدىكەن. 2030-يىلىغا بارغاندا، مۇسۇلمانلارنىڭ ئومۇمىي نوپۇسى دۇنيا نوپۇسىنىڭ %26.4 نى ئىگىلەيدىكەن. ئوموملاشتۇرۇلغان تۇغۇلۇش نىسبىتى، ئۆلۈش نىسبىتى ۋە نوپوسنىڭ كۆچۈش نىسبىتىگە ئاساسەن، پېۋ تەتقىقات مەركىزىنىڭ ئالدىن مۆلچەرلىشىچە، كەلگۈسى 20 يىلدا، دۇنيادىكى مۇسۇلمانلار نوپۇسىنىڭ ئېشىش نىسبىتى %1.5 بولۇپ، مۇسۇلمان ئەمەس نوپۇسنىڭ ئېشىش نىسبىتى %0.7 بولىدىكەن. ھازىر، دۇنيادا تەخمىنەن 6 مىليارد 900 مىليون نوپۇس بار بولۇپ، مۇسۇلمانلارنىڭ نوپۇسى %23.4 نى ئىگەللەيدۇ. 2030-يىلىغا بارغاندا، دۇنيا نوپۇسى 8 مىليارد 300 مىڭغا يېتىدىغان بولۇپ، مۇسۇلمانلارنىڭ نوپۇسى كۆپىيىپ %26.4 نى ئىگىللەيدىكەن. پۈتۈن دۇنيادىكى %60 مۇسۇلمان ئاسىيا تېنچ ئوكيان رايونىغا جايلاشقان بولۇپ، پاكىستاندىكى مۇسۇلمانلارنىڭ سانى ھىدۇنېزىيەدىكى مۇسۇلمانلارنىڭ سانىدىن ئېشىپ چۈشۈپ، دۇنيادىكى مۇسۇلمانلارنىڭ سانى ئەڭ كۆپ دۆلەتكە ئايلانغان. پېۋ تەتقىقات مەركىزىنىڭ ئالدىن مۆلچەرلىشىچە، كەلگۈسى 20 يىلدا، ياۋرۇپادىكى مۇسۇلمانلارنىڭ سانى ھازىرقىنىڭ 3/1 چىلىك كۆپىيىپ، ھازىرقى ئومۇمىي نوپۇسنىڭ %6 (44 مىليون 100 مىڭ) نى ئىگەللەشتىن، %8 (58 مىليون 200 مىڭ) نى ئىگەللەشكە كۆپىيىدىكەن. كېلىش مەنبەسى: نۇر تورى.