ئاياللار بولمىغان بولسا...

قەھۋە

	دەم ئېلىش كۈنى بولغاچقا ئۆي ئىشلىرىنى تۈگىتىپ بولۇپ كاللامنى ئارام ئالدۇرۇش ئۈچۈن كۈلدۈرگە پىلاستىنكىسىنى كۆرۈپ ئولتۇراتتىم، ئادىل مىجىتنىڭ "ئەگەر سىلەر ئاياللار بولمىغان بولساڭلار بىز ئەرلەر ئىشتان كىيىپ نېمە قىلىمىز؟" دېگەن سۆزىنى ئاڭلاپ ئۆزۈمنى تۇتالماي كۈلۈپ كەتتىم. پىلاستىنكىنىڭ ئاخىرىنى كۆرۈپ بولغۇچە كاللامدا ھەر خىل خىيال، ھەر خىل ئويلار كېزىپ يۈردى ۋە بۇ ئوي-خىياللار مېنى قەلەم تەۋرىتىشكە مەجبۇر قىلدى.     راست گەپنى قىلغاندا ئەرلەرنىڭ پۈتۈن ھەرىكەتلىرىنى، ئىش-پائالىيەتلىرىنى ئاياللارنىڭ سېھرى كۈچىدىن كەلگەن، دەپ ئېيتىشقا بولىدۇ. چۈنكى ئادەم ئاتىمۇ، ھەۋۋا ئانىنى بىر كۆرۈپلا خۇدىنى يوقاتقان، ھەۋۋا ئانىنىڭ كۆرسەتمىسى بويىچە چەكلەنگەن مېۋىنى يەپ قويۇپ جەننەتتتىن قوغلانغان. ئادەم ئاتا جەننەتتىن كېچەلىگەن بىلەن ھەۋۋا ئانىمىزدىن كېچەلمىگەن. قارىغاندا ھەۋۋا ئانىمىزدىكى بۇ سېھرىي كۈچ بىز ئاياللارغا مىراس بولۇپ قالغان ئوخشايدۇ.     يەتتە ئاشىق-مەشۇقنىڭ بىرى بولغان پەرھادمۇ شىرىننىڭ ۋېسلىگە يېتىش ئۈچۈن تىلسىم تېغىنى بويسۇندۇرۇپ ئۆستەڭ چېپىپ سۇ باشلاپ، ئۆزىنىڭ باتۇرلىقى ۋە قەيسەرلىكى ئارقىلىق خىسراۋ شاھنى قايىل قىلىپ، شېرىننىڭ ۋەسلىگە يەتمەكچى بولغان. بۇنداق مىساللار ناھايىتى كۆپ. ئاياللار بىر قولىدا بۆشۈكنى تەۋرەتسە، يەنە بىر قولىدا دۇنيانى تەۋرىتىدۇ، دېيىشىدىغۇ؟ شۇنداق تۇرۇقلۇق ئەرلىرىمىزدىن ۋايساپ، قاقشاپ ئولتۇرۇشىمىزنىڭ نېمە ھاجىتى؟    ئەرلەرگە نىسبەتەن ئېيىتقاندا، پەقەت ئاياللار بولغان جايدىلا كېلىشكەن قەددى-قامەتنىڭ، يېتەرلىك مال-دۇنيانىڭ، نام-ئابروينىڭ ئەھمىيىتى بولىدۇ. مۇشۇ نۇقتىدىن ئېيىتقاندا، بىز ئاياللار ئۆزىمىزنىڭ ئەرلەرنىڭ قەلبىدە نەقەدەر مۇھىم ئورۇندا تۇرىدىغانلىقىمىزنى بىلىۋالساق بولىدۇ. شۇڭا بىز تۇرمۇشتا تېخىمۇ ئەستايىدىل، مەسئۇلىيەتچان بولۇپ، ئەرلەرنىڭ قەلبىدىكى ئوبرازىمىزنىڭ تېخىمۇ نۇرلىنىشى ئۈچۈن تىرىشچانلىق كۆرسىتىشمىز: ئاياللىق بۇرچىمىزنى تېخىمۇ ياخشى ئادا قىلىپ، ئەمەلىي ھەرىكىتىمىز ئارقىلىق ئەرلەرگە نىسبەتەن ئۆزىمىزنىڭ نەقەدەر مۇھىملىقىمىزنى ئىسپاتلىشىمىز: ئەرلىرىمىزگە ئۇلارنىڭ ھەر بىر نەتىجىسىدە، ئالغا ئىلگىرلەش مۇساپىلىرىدە ئۆزىمىزنىڭ كەم بولساق بولمايدىغانلىقىمىزنى، ئۇلارغا نىسبەتەن بىر ھەرىكەتلەندۈرگۈچ كۈچ ئىكەنلىكىمىزنى ھېس قىلدۇرۇشىمىز: دەۋر بىلەن تەڭ ئىلگىرىلەپ، ئۆز ساپايىمىزنى داۋاملىق ئۆستۈرۈپ، ئەرلىرىمىزگە داۋاملىق يار-يۆلەك بولۇشىمىز كېرەك. بىز ئەرلىرىمىزنى بىر ياخشى راۋاب دەپ قارىساق، بۇ راۋابنى ۋايىغا يەتكۈزۈپ چالىدىغان ئادەم دەل ئۆزىمىز. ئەگەر بىز ئۇستا سازەندە بولساق، بۇ راۋابتىن ناھايىتى ياڭراق، جۇشقۇن، كىشىنىڭ دىلىغا ھوزۇر بېرىدىغان ئاھاڭلارنى چىقىرالايمىز. ئەگەر چېلىشنى بىلمىسەك، بۇ راۋابتىن كىشىنى بىزار قىلىدىغان، قۇلاققا ياقمايدىغان ئاھاڭلارنىڭ چىقىشى تەبىئىي! ئەرلەر جەمئىيەتنىڭ تۈۋرۈكى، ئائىلىمىزنىڭ پاسىبانى، بىز ئەمەلىي ھەرىكىتىمىز بىلەن ئەرلىرىمىزنى قوللاپ-قۇۋۋەتلەپ ئۇلارنىڭ ئىشتانلىرىنى راۋۇرۇس كىيىپ، تاسمىللىرىنى چىڭ باغلاپ، جەمئىيەتتە، ئائىلىدە ئۆز بۇرچىنى ئادا قىلىشىغا شەرت-شارائىت يارىتىپ بېرەيلى!    مەنبە: "شىنجاڭ ئاياللىرى" ژورنىلى 、ئاپتورى:ئامىنە ئابدۇۋايىت [ قەھۋە بۇ يازمىنى  2010-يىلى 9-ئاينىڭ 2-كۈنى 14:20  دە تەھرىرلىگەن. ]

gulbargi24

	راست دەيسىز!

Aydar

	ئاپتورى كىمكىنا؟

جۇلالىق

	ھەقىقىي ئەرلىك غۇرۇرى بىلەن ياشىغان ئەر ئۈچۈن، ئاياللار قانچىلىك بەدەل تۆلىسىمۇ ئەرزىيدۇ.

anar

	ئاياللار بولمىغان بولسا بۇ ئەرلەر زار زار يىغلاپ قىيامەتنى تىلەپ كېتەر بولغىيتى دۇنيا ئاياللار بولغانلىقىدن گۈزەلدۇر

قەھۋە

	قەيەرنىڭ تەلەپپۇزىدىكى خەت بۇ نازىل خانقىز؟

esil

	مەن دەيمەن : ئاياللار بولمىغان بولسا  ئەرلەر  ئۈلەتتى

nazil

	ئاياللار بولمىغان بولسا  ئەرلەر  ئۈلەتتى

nazil

	راست دەيسىز!

خۇشچىراي

	ئاياللار ئەرلەر ئۈچۈن شۇنچىلىك مۇھىم بولغاچ  ئاللاھىتاللا ئاياللارنى ئەرلەرگە جۈپ قىلىپ ياراتقان .