ئىستاكاننى قويۇپ قويۇڭ !

جۇلالىق

	بىر قېتىملىق تۇرمۇش سەنئىتى لېكسىيىسىدە پروفېسسور لىق سۇ قاچىلانغان ئىستاكاننى كۆتۈرۈپ ئولتۇرغانلاردىن سوراپتۇ : _ بۇئىستاكاننىڭ ئېغىرلىقى قانچىلىكتۇ ؟! _ 50 گىرام ، 100 گىرام .... ، - دەپ جاۋاپ بېرىپتۇ كۆپچىلىك . _ ۇنىڭ ئېغىرلىقىنى مەنمۇ بىلمەيمەن ، لېكىن ئادەم ئۇنى كۆتۈرسە ھەرگىزمۇ ھارمايدىغىنىنى بىلىمەن، - دەپتۇ پروفېسسور . _ يەنە بىر سۇئالىم - ئەگەر مەن بۇ ئىستاكاننى بىر نەچچە مىنۇت كۆتۈرسەم قانداق بولار ؟ _ ھېچنېمە بولمايدۇ - دەپتۇ كۆپچىلىك . _ ياخشى ، ئەگەر بىر سائەت كۆتۈرسەمچۇ ؟! _ بىلىكىڭىز تېلىپ ئاغرىيدۇ . _ توغرا ، ئەگەر بىر كۈن شۇنداق كۆتۈرۈپ تۇرسامچۇ ؟! _ ئۇنداقتا بىلىكىڭىز سېزىمىنى يوقىتىدۇ . _ ياخشى ، مەن ئىستاكاننى كۆتۈرگەندە ئىستاكاننىڭ ئېغىرلىقى ئۆزگەردىمۇ ؟ _ ياق ! _ ئۇنداقتا بىلىكىم نېمىشقا ئاغرىيدۇ ، بىلىكىمنىڭ ئاغرىشىنى خالىمايمەن ، قانداق قىلىشىم كېرەك ؟ _ بۇ بەك ئاددىيغۇ ، ئىستاكاننى قويۇپ قويۇڭ ! _ شۇنداق ، - دەپتۇ پروفېسسور تەستىقلاپ ، - ئەمەلىيەتتە تۇرمۇشتىكى مەسىلىلەر خۇددى قولۇمدىكى ئىستاكانغا ئوخشايدۇ ، بىرەر مەسىلىنى بىر نەچچە مىنۇت ئويلىساق ھېچقىسى يوق ، لېكىن داۋاملىق شۇ ئىشنى ئويلاۋەرسەك يۈرىكىمىز ئاجىزلىشىپ كېتىشى ، ھەتتا بارغانسېرى روھىي جەھەتتىن بىراقلا تۈگىشىپ كېتىشىمىز مۇمكىن . شۇ ۋاقىتتا بىز ھېچقانداق ئىشنى ۋۇجۇدقا چىقىرالمايمىز . تۇرمۇشتىكى مەسىلىلەرگە ئەھمىيەت بېرىش ، بىپەرۋالىق قىلماسلىق كېرەك ، لېكىن ھەمىشە شۇ مەسىلىلەرگە ئېسىلىۋېلىپ ، شۇ ئىشلار ئۈچۈن غەم يېيىشنىڭ ھاجىتى يوق . مۇۋاپىق پەيتتە شۇ مەسىلىنى توغرا ھەل قىلىپ ئۆزىمىزنى يېنىكلىتەيلى ، بولمىسا ئۆزىمىزمۇ سەزمىگەن ھالدا غەملەرنىڭ ئەسىرىگە ئايلىنىپ قالىمىز . دوستۇم ، ئىستاكاننى قولىڭىزغا ئالغاندا ئۇنى قويۇپ قويۇشنى ئۇنتۇماڭ !

buduxkak

	ناھايىتى ياخشى بولغان تېمىدىن بىرنى ھوزۇرىمىزغا سۇنۇپسىز سىزگە كۆپ رەھمەت ! شۇنداق ، قولىمىزدىكى ئىستاكاننى قويۇشنى ئۇنتىغان ھالدا نۇرغۇن ئىشلارنى قىلىپ قويىمىز- دە ئاخىرىدا ئېيتىپ تۈگەتكۈسىز كۆرۈنمەس بىر قەپەزنىڭ ئىسكەنجىسىگە ئېلىنىمىز . بۇرۇنراق كۆرگەن بولسام ئىدىم بۇ تېمىنى نۇرغۇن ئىشلارغا تەدبىق قىلىپ ئۆتەركەنمەن .. ھېلىمۇ كېچىكمەيمەن ...سىزگە يەنە بىر قېتىم رەھمەت .

قەھۋە

	تۇرمۇشتىكى مۇشۇنداق ئاددىي مەسلىلەرمۇ ئادەمگە نۇرغۇننى قىلىشنى، نۇرغۇننى قىلماسلىقنى ئۈگىتىدۇ. يۇقىرىقىمۇ ناھايىتى ئاددىي ئىشكەن، ئەمما ۋاقتى كەلسە ئادەمنى نۇرغۇن ئوڭۇشسىزلىق، كۆڭۈلسزلىكلەردىن قۇتۇلدۇرالىشى مۇمكىن.    جۇلالىق خېلى پەيزى تېمىلارنى يوللاپ قويىسىز بولمىسا.

tiwix

	كىشى  بەزىدە  قولىدا  ئىستاكان بارلىغىنى  ھېس  قىلالماي  جاپادا  ئۆتۇپ  كېتىدۇ ~

جۇلالىق

	قەھۋە جانىم، مۇشۇ كەمگىچە مېنىڭ پەيزى تېما يوللايدىغانلىقىمنى بىلمىگەنما؟

جۇلالىق

	مەن مۇنداق بىر ئادەتنى يېتىلدۈرگەن. كۆڭۈلنى غەش قىلدىغان ئىشلارنى ئامال بار ئويلىمايمەن. ئۆتۈپ كەتكەن ئىشنى ئۇنۇتماق ئاسان ئەمەس، بىراق قىلاي دېسەڭ چوقۇم قىلالايسەن.

anar

	تىزىۋەتتىم ئۈستەلگە ئىستاكان دىگەندىن  مانچىنى ....ھىم !!!!!

جۇلالىق

	anar بۇ يازمىنى 2011-يىلى 1-ئاينىڭ 29-كۈنى 18:59 دە يوللىغان تىزىۋەتتىم ئۈستەلگە ئىستاكان دىگەندىن  مانچىنى ....ھىم !!!!! ئىستاكان بەك كۆپ بوپ كەتسە، كېيىن قويۇپ قويمىقىڭىز بەسىي مۈشكۈلدۇر.

زەپەر

	بولىدۇ، مەن ئەمدى شۇنداق قىلاي، قولۇم تېلىپ سېزىمىنى يوقاتقۇچە ئىستاكاننى جايىغا قويۋالاي

anar

	جۇلالىق بۇ يازمىنى 2011-يىلى 1-ئاينىڭ 30-كۈنى 15:58 دە يوللىغان ئىستاكان بەك كۆپ بوپ كەتسە، كېيىن قويۇپ قويمىقىڭىز بەسىي مۈشكۈلدۇر. جانىم ، بۈگۈنگە قەدەر چېقىلىپ ئىككى تاللا قېلىپ قالدى ئىستاكاندىن ... ئاللاھ ئاسانلىق بەرسە ئۇلارنىڭمۇ ئورنى چىقىپ قالار