ئايال پادىشاھ ھوجرىسىغا قانداق كىردى؟

ketmenbay

	ئايال پادىشاھ ھوجرىسىغا قانداق كىردى؟ بىر كۈنى ئايال پادىشاھ ۋىكتورىيە ئېرى بىلەن ئۇرۇشۇپ قاپتۇ. ئېرى ھوجرىغا كىرىپ ئىشىكنى تاقىۋاپتۇ. ئايال پادىشاھ ھوجرىسىغا كىرىش ئۈچۈن ئىشىكنى چېكىپتۇ. - كىم؟ - سوراپتۇ ئېرى. - ئايال پادىشاھ. - تەكەببۇرلۇق بىلەن جاۋاب بىرىپتۇ ۋىكتورىيە. بىراق ئىشىك ئېچىلماپتۇ. ئۇ يەنە ئىشىكنى چېكىپتۇ. - كىم؟ - سوراپتۇ ئېرى يەنە. - ۋىكتورىيە، - دەپتۇ ئايال پادىشاھ. بىراق يەنىلا ئىشىك ئېچىلماپتۇ. ئايال پادىشاھ يەنە ئىشىكنى چېكىپتۇ. - كىم؟ - سوراپتۇ ئېرى يەنە. - سىزنىڭ خوتۇنىڭىز، - دەپ جاۋاب بىرىپتۇ ئايال پادىشاھ مۇلايىم ئاۋاز بىلەن. بۇ قىتىم ئىشىك ئېچىلىپتۇ. ^^^^^^^^^^^^ ھەقىقىي ئايال كىم؟ بىسمارك--گىرمانىيەنىڭ 19-ئەسىردىكى مەشھۇر سىياسىئونى. بىر كۈنى ئۇ سانكىت پىتىربورگدا بىر خانىم بىلەن تانسا ئويناۋىتىپ، ئۇ خانىمنى «پەرىشتىدەك چىرايلىق ئىكەنسىز» دەپ ماختاپتۇ. - دىپلوماتىيە ئەمەلدارىنىڭ سۆزىگە زادىلا ئىشەنگىلى بولمايدۇ، دەپتۇ ئۇ خانىم. - نىمىشقا؟ - بۇنىڭ سورىغۇدەك نىمىسى بار؟ دىپلوماتىيە ئەمەلدارىنىڭ «بولىدۇ» دىگىنى - «مۈمكىن» دىگىنى. «مۈمكىن» دىگىنى - «بولمايدۇ» دىگىنى. ناۋادا ئاغزىدىن «بولمايدۇ» دىگەن سۆز چىقسا، ئۇنداق كىشى دىپلوماتىيە ئەمەلدارى بولالمايدۇ. - خانىم، دىگىنىڭىز تامامەن توغرا. بۇ بەلكىم بىزنىڭ كەسپىمىزنىڭ ئالاھىدىلىكى بولسا كىرەك. بىزگە شۇنداق قىلمايمۇ ئامال يوق. لىكىن، سىلەر ئاياللار دەل بۇنىڭ ئەكسىچە. - بۇ نىمە دىگىنىڭىز؟ - بۇنىڭ سورىغۇدەك نىمىسى بار؟ ئاياللارنىڭ «بولمايدۇ» دىگىنى - «مۈمكىن» دىگىنى. «مۈمكىن» دىگىنى - «بولىدۇ» دىگىنى. ناۋادا ئاغزىدىن «بولىدۇ» دىگەن سۆز چىقسا، ئۇنداق ئايالنى ھەقىقىي ئايال دىگىلى بولمايدۇ. ^^^^^^^^^^^^ ئەر-خوتۇننىڭ ئىش تەقسىماتى پومپىدو فرانسىيەنىڭ پرىزدىنتى بولۇپ تۇرۇۋاتقان مەزگىلدە بىر كىشى ئۇنىڭغا: «يېقىندىن بىرى خوتۇنۇم مەن بىلەن بەك ئۇرۇشىدىغان بولۇپ كەتتى» دەپ دەرت تۆكۈپتۇ. - مەن ئەزەلدىن خوتۇنۇم ئۇرۇشۇپ باققان ئەمەس،-دەپتۇ پومپىدو ئۇ كىشىگە بىر مۇنچە نەسىھەت قىلغاندىن كىيىن، - چۈنكى، ھەر قانداق مۇھىم ئىشنى ئۇ ئۆزى بەلگىلەيدۇ. مەسىلەن، ساياھەتكە بېرىش، بىرەر نەرسە سېتىۋىلىش، تاماق بۇيرۇتۇش، ئۆي جاھازىلىرىنى تاللاش، ئويۇن ۋە كىنو كۆرۈش قاتارلىقلار. مەن پەقەت بەزىبىر ئۇششاق ئىشلارغىلا مەسئۇل. - قانداق ئىشلار ئۇ؟ دەپ سوراپتۇ ئۇ كىشى. - گۆش ۋە كۆكتاتلارنىڭ باھاسى، ئىشچىلارنىڭ مائاشى، قورال ئىمپورت قىلىش، پۇل پاخاللىشىش دىگەندەك ئىشلار. - دەپتۇ پرىزدىنت. ^^^^^^^^^^^^ http://www.uyghurqamus.com/read.php?tid=313 ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭ («مەشھۇر شەخسلەرنىڭ ھەزىللىرى» دىگەن كىتاپتىن تەييارلىغۇچى: كەتمەنباي) ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭ [ ketmenbay بۇ يازمىنى  2011-يىلى 1-ئاينىڭ 25-كۈنى 19:51  دە تەھرىرلىگەن. ]

سامسىپەز

	مەن تېمىغا قاراپ، تېپىشماق ئوخشايدۇ دەپ يۈگرۈپ كىرىپتىمەن...

مەرۋەرى

	مەنمۇ تېخى تېپىشماق بولسا جاۋابىنى تېپىۋېلىپ مۇنبەردىكىلەرگە ئەقىللىقلىغىمنى بىر كۆرسۈتۈپ قويارمەن دەپتىكەنمەن

rustam

	تولىمۇ ئەپسۇس قېرىنداش--مەرۋەرى--بۇ تېپىشماق بولماي قاپتۇ، ئەمما كۆڭلىڭىزنى ھەرگىز يېرىم قىلماڭ~~~~~~~~~ ئەمما باشتىكى 1-،2- ھېكىمەتلىك ھېكايەتنى خانىم-قىزلارغا پايدىلىق ھېكىمەت دەپ قارايمەن~~~~~~~

جۇلالىق

	ئايال كىشى ھەر قانچە ھۆرمەتكە سازاۋەر بولۇپ كەتسۇن ياكى مىليونىر بولۇپ كەتسۇن، ئۇ ئەر كىشىنىڭ ئالدىدا، مەڭگۈ ئەر كىشىنىڭ خوتۇنى، ئەردىن بىر دەرىجە تۆۋەن تۇرىدۇ.باشقىلارغا قىلغان تەكەببۇرلۇقنى ئېرىگە قىلغان ئايال، ئەدەب-ئەخلاقنى، ھۆرمەت قىلىشنى ئۇقمايدىغان بىلىمسىز ئايالدۇر.

esil

	سامسىپەزنىڭ ئىمزاسى  نىمانداق قىزىق ... كۈلۈپ يىتىپ قاپتىمەن .