رەڭگىم شۇ گۈللەرگە كۆچۈپتۇ
رەڭگىم شۇ گۈللەرگە كۆچۈپتۇئابدۇقادىر ھەسەن خالىس
قىزىللىق ئۇرغۇيتى مەڭزىڭدىن،
قىرىق يىل مۇقەددەم گۈزەل يار.
نۇر ياغاتتى كۆزۈڭدىن- كۆزلەرگە،
ھۆسنۈڭ چوغ،ئوتقاشتەك ھەم رەڭدار.
قىرىق باغ ياساپسەن چۆللەردە،
ئەندازكەن رەڭلەرگە رەڭلىرى.
كۈن،ئايمۇ شىپالىق ئىزدەركەن،
ھوزۇر ئېلىپ بېغىڭدىن تەنلىرى.
بۈگۈنچۇ، چېچىڭ ئاق، مەڭزىڭ ئاق...
دېسەم مەن: « قىزىللىقىڭ ئۆچۈپتۇ.»
دېدىڭسەن كۆرسۈتۈپ گۈل باغنى:
«رەڭگىم شۇ گۈللەرگە كۆچۈپتۇ»
مەرھۇمنىڭ ئېسىل يازمىلىرىنى يوللىغان شۇ مۇبارەك قوللىرىڭىزغا مەڭگۈ دەرت يەتمىسۇن! رەھمەت! مەرۋەرى، ئەمگەكچان قوللارغا مەدھىيە بولغان بۇ شىئىر تولىمۇ يىنىك ۋە گۈزەل بىر شەكىلدە يېزىلىپتۇ .....
رەھمەتلىك شائىرىمىزنىڭ ئەسەرلىرىنى ئوقۇمىغىلى ئۇزۇن بوپتىكەن ، سېغىنىش ئىلكىدە سۈيۈندۈم ..... بۈگۈنچۇ، چېچىڭ ئاق، مەڭزىڭ ئاق...
دېسەم مەن: « قىزىللىقىڭ ئۆچۈپتۇ.»
دېدىڭسەن كۆرسۈتۈپ گۈل باغنى:
«رەڭگىم شۇ گۈللەرگە كۆچۈپتۇ»。
بۇ مىسرالارنى بەكلا ياقتۇرۇپ قالدىم. شائىرغا ۋە تېما ئىگىسىگە رەھمەت!
مۇشۇنداق چاچلارغا ئاق كىرگۈچە قەدىرلەپ ئۆتىدىغان، بىر ھەمراھقا ئېرەشەلىگەن ئاياللارلا دۇنيادىكى ئەڭ بەختلىك ئايالدۇر!
بەت:
[1]